سورة يُونس · ئایەت ٣١
قُلۡ مَن یَرۡزُقُكُم مِّنَ ٱلسَّمَاۤءِ وَٱلۡأَرۡضِ أَمَّن یَمۡلِكُ ٱلسَّمۡعَ وَٱلۡأَبۡصَـٰرَ وَمَن یُخۡرِجُ ٱلۡحَیَّ مِنَ ٱلۡمَیِّتِ وَیُخۡرِجُ ٱلۡمَیِّتَ مِنَ ٱلۡحَیِّ وَمَن یُدَبِّرُ ٱلۡأَمۡرَۚ فَسَیَقُولُونَ ٱللَّهُۚ فَقُلۡ أَفَلَا تَتَّقُونَ ﴿٣١﴾
تەفسیرا ساناهی
تو -ئه‌ى پێغه‌مبه‌ر- بێژه وان: ئه‌و كییه ژ عه‌سمانى ڕزقى دده‌ته هه‌وه، ده‌مێ بارانێ ژێ دبارينت، و ژ عه‌ردى ده‌مێ شينكاتى ژێ ده‌ردئێخت، ڤێجا هوين وحه‌يوانێن خۆ ژێ دخۆن؟ وئه‌و گوهـ وچاڤێن هوين بهيستن وديتنێ پێ دكه‌ن وخۆشییێ پێ دبه‌ن د ده‌ستێ كێ دانه؟ وئه‌و كییه مرن وژين د گه‌ردوونێ هه‌مییێ دا ب ده‌ستێ وى، ڤێجا يێن زێندى ژ يێن مرى دئينته ده‌ر ژ وان یێن هوین دزانن ونه‌زانن ژى؟ وئه‌و كییه يێ كارێ عه‌رد وعه‌سمانى وهه‌ر تشته‌كێ د ناڤ دا ب ڕێڤه دبه‌ت، وكارێ هه‌وه ويێ هه‌مى چێكرییان ژى؟ ئه‌و دێ به‌رسڤێ ده‌نه ته كو ئه‌وێ ڤێ هه‌مییێ دكه‌ت خودێیه، ڤێجا تو بێژه وان: ئه‌رێ ما هوين ژ عه‌زابا خودێ ناترسن ئه‌گه‌ر هه‌وه په‌رستنا تشته‌كێ دى د گه‌ل وى كر؟