سورة يُونس · ئایەت ٧٤

ثُمَّ بَعَثۡنَا مِنۢ بَعۡدِهِۦ رُسُلًا إِلَىٰ قَوۡمِهِمۡ فَجَاۤءُوهُم بِٱلۡبَیِّنَـٰتِ فَمَا كَانُوا۟ لِیُؤۡمِنُوا۟ بِمَا كَذَّبُوا۟ بِهِۦ مِن قَبۡلُۚ كَذَ ٰلِكَ نَطۡبَعُ عَلَىٰ قُلُوبِ ٱلۡمُعۡتَدِینَ ﴿٧٤﴾

تەفسیرا ساناهی

پاشى پشتى نووحى مه‌ هنده‌ك پێغه‌مبه‌ر (وه‌كى هوود وصالح وئيبراهيم ولووط وشوعه‌يبى وهنده‌كێن دى) بۆ ملله‌تێن وان هنارتن، ڤێجا هه‌ر پێغه‌مبه‌ره‌ك ب نيشانێن ئاشكه‌را ل سه‌ر پێغه‌مبه‌رينییا خۆ بۆ ملله‌تێ خۆ هات، ڤێجا نه‌بوويه‌ كو ئه‌و باوه‌رییێ ب وێ بينن يا ملله‌تێ نووحى ويێن به‌رى وان دره‌و پێ كرى. وكانێ چاوا خودێ خه‌تم ل دلێن ڤان ملله‌تان دا ڤێجا وان باوه‌رى نه‌ئينا، وه‌سا خودێ خه‌تمێ ل دلێن وان ژى دده‌ت يێن وه‌كى وان وپشتى وان هاتين ژ وان يێن پێ ل توخويبێن خودێ داناى، وگوهـدارییا پێغه‌مبه‌رێن خۆ نه‌كرى د وى تشتى دا يێ وان به‌رێ وان دايێ، وه‌ك جزا بۆ وان ژ به‌ر گونه‌هێن وان.