سورة البَقَرَة · ئایەت ١٢١

ٱلَّذِینَ ءَاتَیۡنَـٰهُمُ ٱلۡكِتَـٰبَ یَتۡلُونَهُۥ حَقَّ تِلَاوَتِهِۦۤ أُو۟لَـٰۤئِكَ یُؤۡمِنُونَ بِهِۦۗ وَمَن یَكۡفُرۡ بِهِۦ فَأُو۟لَـٰۤئِكَ هُمُ ٱلۡخَـٰسِرُونَ ﴿١٢١﴾

تەفسیرا ساناهی

ئه‌وێن مه‌ كيتاب دايێ ژ جوهى وفه‌لان، وێ دخوينن خــواندنه‌كا ڕاست، و ب دورستى دويچوونا وێ دكه‌ن، وباوه‌رییێ ب وى تشتى دئينن يێ د ده‌رحه‌قا باوه‌رى ئينانا ب پێغه‌مبه‌رێن خودێ دا تێدا هاتى. ب تایبه‌تى پێغه‌مبه‌رێ دویماهییێ كو پێغه‌مبه‌رێ مه‌یه‌ سلاڤ لێ بن، وگوهۆڕین ووه‌ربادانێ نائێخنێ. ئه‌وێن هه‌نه‌ يێن باوه‌رییێ ب موحه‌ممه‌دى سلاڤ لێ بن وتشتێ بۆ وى هاتى دئينن، وئه‌وێن هنده‌ك ژ كيتابێ گوهاڕتى وهنده‌ك ژێ ڤه‌شارتى، ئه‌و كافرییێ ب پێغه‌مبه‌رێ خودێ موحه‌مه‌دى سلاڤ لێ بن دكــه‌ن، وهه‌چییێ بـاوه‌رییێ پــێ نه‌ئينت ئـــه‌و ل نــــك خـــودێ ژ هه‌مى مرۆڤان د زيانكارترن.