سورة البَقَرَة · ئایەت ١٥٨
۞ إِنَّ ٱلصَّفَا وَٱلۡمَرۡوَةَ مِن شَعَاۤئِرِ ٱللَّهِۖ فَمَنۡ حَجَّ ٱلۡبَیۡتَ أَوِ ٱعۡتَمَرَ فَلَا جُنَاحَ عَلَیۡهِ أَن یَطَّوَّفَ بِهِمَاۚ وَمَن تَطَوَّعَ خَیۡرࣰا فَإِنَّ ٱللَّهَ شَاكِرٌ عَلِیمٌ ﴿١٥٨﴾
تەفسیرا ساناهی
هندى صه‌فا ومه‌روه‌نه -وئه‌و دو گرێن بچويكن ل نێزيكى كه‌عبێ ل لايێ ڕۆژهه‌لاتێ- ژ ڕێنيشانێن ئاشكه‌رانه يێن دينێ خودێ، يێن كو عه‌بدينییا خودێ ب هاتن وچوونا د ناڤبه‌رێ دا دئێته‌كرن. ڤێجا هه‌چییێ بۆ حه‌جێ يان عومرێ قه‌ستا كه‌عبێ بكه‌ت، چو گونه‌هـ وته‌نگاڤى ل سه‌ر وى نينه ئه‌گه‌ر ئه‌و د ناڤبه‌رێ دا بێت وبچت، به‌لكى ئه‌و چه‌نده ل سه‌ر وى يا فه‌ره، وهه‌چییێ ژ دل خێران بكه‌ت هندى خودێیه سوپاسدارێ وییه، سه‌را كێمێ ئه‌و گه‌له‌كێ دده‌ت، يێ پرزانايه ب كريارێن به‌نییێن خۆ، نه خێرا وان به‌رزه دكه‌ت، نه ژى كێم دكه‌ت.