سورة البَقَرَة · ئایەت ١٧٨

یَـٰۤأَیُّهَا ٱلَّذِینَ ءَامَنُوا۟ كُتِبَ عَلَیۡكُمُ ٱلۡقِصَاصُ فِی ٱلۡقَتۡلَىۖ ٱلۡحُرُّ بِٱلۡحُرِّ وَٱلۡعَبۡدُ بِٱلۡعَبۡدِ وَٱلۡأُنثَىٰ بِٱلۡأُنثَىٰۚ فَمَنۡ عُفِیَ لَهُۥ مِنۡ أَخِیهِ شَیۡءࣱ فَٱتِّبَاعُۢ بِٱلۡمَعۡرُوفِ وَأَدَاۤءٌ إِلَیۡهِ بِإِحۡسَـٰنࣲۗ ذَ ٰلِكَ تَخۡفِیفࣱ مِّن رَّبِّكُمۡ وَرَحۡمَةࣱۗ فَمَنِ ٱعۡتَدَىٰ بَعۡدَ ذَ ٰلِكَ فَلَهُۥ عَذَابٌ أَلِیمࣱ ﴿١٧٨﴾

تەفسیرا ساناهی

گه‌لى ئه‌وێن باوه‌رى ب خودێ وپێغه‌مبه‌رێ وى ئيناى وكار ب شریعه‌تێ وى كرى، خودێ ل سه‌ر هه‌وه‌ فه‌ركرییه‌‌ كو هوين ئه‌وى بكوژن يێ ژ قه‌ستا كوشتنێ بكه‌ت، به‌لێ ب وى شه‌رتى يه‌كسانى ووه‌كهه‌ڤى تێدا هه‌بت: يێ ئازا ب يێ ئازا بێته‌ كوشتن، وعه‌بد ب عه‌بدى، ومێ ب یا مێ. وهه‌چییێ خودانێ كوشتى لێ بۆرى وئه‌و ژ كوشتنێ ئازا كر، و ب تنێ داخوازا خوينێ ژێ كر -وئه‌و هنده‌ك ماله‌ كوژه‌ك به‌رانبه‌ر لێبۆرینێ دده‌ته‌ مرۆڤێن كوشتى- بلا هه‌ردو لا پێگيرییێ ب ڕه‌فتارێ باش بكه‌ن، بلا خودانێ كوشتى بێ توندى داخوازا خوينێ بكه‌ت، وكوژه‌ك بلا مافێ وى ب قه‌نجى بده‌تێ، بێ كێمكرن يان گيرۆكرن. ئه‌ڤ لێبۆرينه‌ ووه‌رگرتنا خوينێ سڤكى ودلۆڤانییه‌كه‌ ژ لايێ خودايێ هه‌وه‌ ڤه‌ بۆ هه‌وه‌، ڤێجا هه‌چییێ پشتى عه‌فییێ ووه‌رگرتنا خوینێ ڕابت كوژه‌كى بكوژت، ئه‌وى عه‌زابه‌كا ب ئێش بۆ هه‌يه‌ كو د دنيايێ دا بێته‌ كوشتن، و ل ئاخره‌تێ بچته‌ ئاگرى.