سورة البَقَرَة · ئایەت ٢٢٨
وَٱلۡمُطَلَّقَـٰتُ یَتَرَبَّصۡنَ بِأَنفُسِهِنَّ ثَلَـٰثَةَ قُرُوۤءࣲۚ وَلَا یَحِلُّ لَهُنَّ أَن یَكۡتُمۡنَ مَا خَلَقَ ٱللَّهُ فِیۤ أَرۡحَامِهِنَّ إِن كُنَّ یُؤۡمِنَّ بِٱللَّهِ وَٱلۡیَوۡمِ ٱلۡءَاخِرِۚ وَبُعُولَتُهُنَّ أَحَقُّ بِرَدِّهِنَّ فِی ذَ ٰلِكَ إِنۡ أَرَادُوۤا۟ إِصۡلَـٰحࣰاۚ وَلَهُنَّ مِثۡلُ ٱلَّذِی عَلَیۡهِنَّ بِٱلۡمَعۡرُوفِۚ وَلِلرِّجَالِ عَلَیۡهِنَّ دَرَجَةࣱۗ وَٱللَّهُ عَزِیزٌ حَكِیمٌ ﴿٢٢٨﴾
تەفسیرا ساناهی
وئه‌و ژنێن دئێنه به‌ردان یێن كو خودان ژڤان بن، دڤێت سێ ژڤانێن بێ نڤێژییێ يان يێن پاقژییێ ئه‌و خۆ بگرن وشوى نه‌كه‌ن وه‌ك عدده؛ ودا بێته زانین كو وان چو زارۆك نینن. وچێ نابت بۆ وان ل ده‌مێ عدده‌ى ئه‌و شوى ب زه‌لامه‌كێ دى بكه‌ن، وبــۆ وان حه‌لال نينه ئـــه‌و وى تشتێ خــودێ د مالبچويكێن وان دا چـێكــرى ڤه‌شێرن، ئه‌گه‌ر وان ب دورستى باوه‌رى ب خودێ وڕۆژا دويماهییێ هه‌بت. و ل ده‌مێ عدده‌ى زه‌لامێن وان دحه‌قترن كو وان بزڤڕينن. ودڤێت مه‌خسه‌دا وان پێ خێر وچاكى بت، نه كو گه‌هاندنا زيانێ بت ب درێــژكــرنــا ده‌مـــێ عــدده‌ى. وژنان ماف ل سه‌ر مێران هه‌يه، وه‌كى مێران ژى ماف ل سه‌ر وان هــــه‌ى، ب ڕه‌نگه‌كێ چاك، وزه‌لامان ده‌ره‌جه‌كا زێـــده‌تـــر ل ســـه‌ر ژنان هه‌يه كـو مالێ ب ڕێڤه ببه‌ن ووان ب ڕه‌نگه‌كێ جوان ب خودان بكه‌ن، وبه‌ردان د ده‌ستێ وان دایه. وخودێ يێ زاله، وئـــه‌و یــێ كاربنه‌جهه هه‌ر تشته‌كى ددانته جهێ وى یێ دورست.