سورة البَقَرَة · ئایەت ٢٤٩
فَلَمَّا فَصَلَ طَالُوتُ بِٱلۡجُنُودِ قَالَ إِنَّ ٱللَّهَ مُبۡتَلِیكُم بِنَهَرࣲ فَمَن شَرِبَ مِنۡهُ فَلَیۡسَ مِنِّی وَمَن لَّمۡ یَطۡعَمۡهُ فَإِنَّهُۥ مِنِّیۤ إِلَّا مَنِ ٱغۡتَرَفَ غُرۡفَةَۢ بِیَدِهِۦۚ فَشَرِبُوا۟ مِنۡهُ إِلَّا قَلِیلࣰا مِّنۡهُمۡۚ فَلَمَّا جَاوَزَهُۥ هُوَ وَٱلَّذِینَ ءَامَنُوا۟ مَعَهُۥ قَالُوا۟ لَا طَاقَةَ لَنَا ٱلۡیَوۡمَ بِجَالُوتَ وَجُنُودِهِۦۚ قَالَ ٱلَّذِینَ یَظُنُّونَ أَنَّهُم مُّلَـٰقُوا۟ ٱللَّهِ كَم مِّن فِئَةࣲ قَلِیلَةٍ غَلَبَتۡ فِئَةࣰ كَثِیرَةَۢ بِإِذۡنِ ٱللَّهِۗ وَٱللَّهُ مَعَ ٱلصَّـٰبِرِینَ ﴿٢٤٩﴾
تەفسیرا ساناهی
ڤێجا ده‌مێ طالووت ب له‌شكه‌رێ خۆ ڤه ده‌ركه‌فتییه شه‌ڕێ عه‌مالقان، وى گۆته وان: هــنـــدى خــــودێــیــه ب ڕويباره‌كێ ل پێشییا هه‌وه دێ هه‌وه جه‌ڕبينت، كانێ هوين دبێنفره‌هن يان نه؛ دا خودان باوه‌ر ودوڕوى ژێك جــــودا بــبــن، ڤێجا هه‌چییێ ژ هه‌وه ژ ئاڤا وى ڕويبارى ڤه‌خۆت ئـــه‌و نــه ژ منه، وئه‌و ب كێر جيهادێ د گه‌ل من نائێت، وهه‌چییێ ژ ئاڤێ ڤه‌نه‌خۆت ئه‌و ژ منه، چونكى ئه‌و گوهدارێ منه و ب كێر جيهادێ دئێت، ئه‌و تێ نه‌بت يێ بێده‌رییه‌كا ب تنێ ژێ ڤه‌خۆت ئه‌وى لۆمه ل سه‌ر نينه، ڤێجا ده‌مێ ئه‌و گه‌هشتينه ڕويبارى وان قه‌ستا ئاڤێ كر، وگه‌له‌ك ژێ ڤه‌خوار، هژماره‌كا كێم تێ نه‌بت ته‌حه‌ملا تێهنێ وگه‌رمێ كر، وبێده‌رییه‌كا ب تنێ ژێ ڤه‌خوار، وهنگى ئه‌وێن گوهدارى نه‌كرى پاشڤه مان. ڤێجا ده‌مێ طالــووت وئــــه‌و خــــودان باوه‌رێن كـێـم يێن د گه‌ل دا ژ ڕويبارى ده‌رباس بووين بۆ شه‌ڕێ نه‌ياران، ووان ديتى نه‌يارێن وان دبۆشن، وان گۆت: شه‌ڕێ جالووتى وله‌شكــه‌رێ وى يـــێ ب هێز ب مه ڤه نائێت، ئينا ئه‌وێن باوه‌رى هه‌ى كو دێ رابه‌رى خودێ ڕاوه‌ستن، بيرا برايێن خۆ ل هێزا خودێ ئيناڤه وگۆتن: چه‌ند جاران ده‌سته‌كه‌كا كێم يا خودان باوه‌ر وبێنفره‌هـ ب ئانه‌هییا خودێ شيايه ده‌سته‌كه‌كا بۆش يا كافر وته‌عداكه‌ر. وخودێ ب سه‌ركه‌فتن وپشته‌ڤانى ودانا خێرێ يێ د گه‌ل بێنفره‌هان.