سورة البَقَرَة · ئایەت ٢٥٣
۞ تِلۡكَ ٱلرُّسُلُ فَضَّلۡنَا بَعۡضَهُمۡ عَلَىٰ بَعۡضࣲۘ مِّنۡهُم مَّن كَلَّمَ ٱللَّهُۖ وَرَفَعَ بَعۡضَهُمۡ دَرَجَـٰتࣲۚ وَءَاتَیۡنَا عِیسَى ٱبۡنَ مَرۡیَمَ ٱلۡبَیِّنَـٰتِ وَأَیَّدۡنَـٰهُ بِرُوحِ ٱلۡقُدُسِۗ وَلَوۡ شَاۤءَ ٱللَّهُ مَا ٱقۡتَتَلَ ٱلَّذِینَ مِنۢ بَعۡدِهِم مِّنۢ بَعۡدِ مَا جَاۤءَتۡهُمُ ٱلۡبَیِّنَـٰتُ وَلَـٰكِنِ ٱخۡتَلَفُوا۟ فَمِنۡهُم مَّنۡ ءَامَنَ وَمِنۡهُم مَّن كَفَرَۚ وَلَوۡ شَاۤءَ ٱللَّهُ مَا ٱقۡتَتَلُوا۟ وَلَـٰكِنَّ ٱللَّهَ یَفۡعَلُ مَا یُرِیدُ ﴿٢٥٣﴾
تەفسیرا ساناهی
ئه‌و پێغه‌مبه‌رێن هه يێن خودان قه‌در، ل دويڤ وێ مننه‌تا خودێ ل وان كرى، وى هنده‌ك ژ وان ب سه‌ر هنده‌كان ئێخستينه: ڤێجا ژ وان هه‌يه يێ خودێ د گه‌ل ئاخفتى، وه‌كى مووسا وموحه‌ممه‌دى سلاڤ لێ بن، وئه‌ڤه هـنــدێ دگه‌هينت كو ئاخفتن ب ڕه‌نگه‌كێ هێژاى خودێ ئێك ژ سالۆخه‌تێن وییه، و ژ وان هه‌يه يێ خودێ ده‌ره‌جێن بلند داينێ، وه‌كى موحه‌ممه‌دى سلاڤ لێ بن، كو ئه‌و كرییه پێغه‌مبه‌ر بۆ هه‌مى مرۆڤان. وخودايێ مه‌زن موعجيزێن ئاشكه‌را دانه عيسايێ كوڕێ مه‌ريه‌مێ وه‌كى ساخكرنا ئه‌وێ دزكماك دا كۆره ب ئانه‌هییا خودێ، وساخكرنا مرۆڤێ گوڕى ب ئانه‌هییا خودێ، وزێنديكرنا مرییان ب ئانه‌هییا خودێ، وپشتگرتنا وى ب جبريلى. وئه‌گه‌ر خودێ ڤيابا كو ئه‌وێن پشتى ڤان پێغه‌مبه‌ران هاتين د ناڤبه‌را خۆ دا لێك نه‌كه‌فتبان پشتى ئايه‌تێن ئاشكه‌را بۆ هاتين ئه‌و لێك نه‌دكه‌فتن، به‌لێ ژێك جودابوون كه‌فته د ناڤبه‌را وان دا: ڤێجا هنده‌ك ژ وان ل سه‌ر باوه‌رییا خۆ موكم مان، وهنده‌ك ژ وان ڕژدى ل سه‌ر كوفرا خۆ كر. وپشتى په‌يدابوونا ژێك جودابوونێ ژى د ناڤبه‌را وان دا ئه‌گه‌ر خودێ ڤيابا ئه‌و لێك نه‌دكه‌فتن، به‌لێ خودێ به‌رێ وى دده‌ته باوه‌رییێ وگوهدارییێ يێ وى بڤێت، ويێ وى بڤێت ئه‌و وى ب كافرى ونه‌گوهدارییێ شه‌رمزار دكه‌ت.