سورة البَقَرَة · ئایەت ٢٥٥
ٱللَّهُ لَاۤ إِلَـٰهَ إِلَّا هُوَ ٱلۡحَیُّ ٱلۡقَیُّومُۚ لَا تَأۡخُذُهُۥ سِنَةࣱ وَلَا نَوۡمࣱۚ لَّهُۥ مَا فِی ٱلسَّمَـٰوَ ٰتِ وَمَا فِی ٱلۡأَرۡضِۗ مَن ذَا ٱلَّذِی یَشۡفَعُ عِندَهُۥۤ إِلَّا بِإِذۡنِهِۦۚ یَعۡلَمُ مَا بَیۡنَ أَیۡدِیهِمۡ وَمَا خَلۡفَهُمۡۖ وَلَا یُحِیطُونَ بِشَیۡءࣲ مِّنۡ عِلۡمِهِۦۤ إِلَّا بِمَا شَاۤءَۚ وَسِعَ كُرۡسِیُّهُ ٱلسَّمَـٰوَ ٰتِ وَٱلۡأَرۡضَۖ وَلَا یَءُودُهُۥ حِفۡظُهُمَاۚ وَهُوَ ٱلۡعَلِیُّ ٱلۡعَظِیمُ ﴿٢٥٥﴾
تەفسیرا ساناهی
خودێیه يێ ژ وى پێڤه‌تر كه‌س هێژاى په‌رستنێ نه‌بت، زێندى ئه‌وه يێ هه‌مى ڕامانێن ژينا پێكهاتى وهێژاى وى وى هه‌ين، يێ ل سه‌ر هه‌ر تشته‌كى پێ ڕابووى، چـــو نقرۆسك وخـــه‌و ناگـــه‌هنه وى، هــــه‌ر تشته‌كێ ل عه‌سمانان وهــه‌ر تشته‌كێ ل عه‌ردى ملكێ وییه، وبێ ده‌ستويرییا وى كه‌س بسته ناكه‌ت ل نك وى مه‌هده‌رێ بكه‌ت، زانينا وى دۆرا ل هه‌مى چێكرییان گرتى يێن به‌رێ ويێن نوكه ويێن نه‌هاتين، كــارێـــن ل بـــه‌ر ده‌ســتــێ خه‌لكى ژ تشتێن هێشتا چێ نه‌بووين ويێن ل پاش وان ژ تشتێن بۆرین ئه‌و دزانت، وكه‌س ژ چێكرییێن وى ب تشته‌كى ژ زانينا وى ئاگه‌هدار نابت ب وى تشتى نه‌بت يێ ئه‌و وى پێ ئاگه‌هدار بكه‌ت. كورسییا وى عه‌سمان وعه‌رد ڤه‌گرتییه، وكورسى جهێ پییێن وينه، و ژ وى پێڤه‌تر كه‌س چاوانییا وێ نزانت، وپاراستنا عه‌رد وعه‌سمانان ل به‌ر وى يا گران نينه، وئه‌و ب ذات وصيفاتێن خۆ ڤه ل سه‌ر هه‌مى چێكرییان يێ بلنده، كۆمكه‌رێ هه‌مى سالۆخه‌تێن مه‌زنیێیه. وئه‌ڤ ئايه‌ته مه‌زنترين ئايه‌ته د قورئانێ دا، دبێژنێ: ( ئايه‌تا كورسییێ).