سورة البَقَرَة · ئایەت ٢٦
۞ إِنَّ ٱللَّهَ لَا یَسۡتَحۡیِۦۤ أَن یَضۡرِبَ مَثَلࣰا مَّا بَعُوضَةࣰ فَمَا فَوۡقَهَاۚ فَأَمَّا ٱلَّذِینَ ءَامَنُوا۟ فَیَعۡلَمُونَ أَنَّهُ ٱلۡحَقُّ مِن رَّبِّهِمۡۖ وَأَمَّا ٱلَّذِینَ كَفَرُوا۟ فَیَقُولُونَ مَاذَاۤ أَرَادَ ٱللَّهُ بِهَـٰذَا مَثَلࣰاۘ یُضِلُّ بِهِۦ كَثِیرࣰا وَیَهۡدِی بِهِۦ كَثِیرࣰاۚ وَمَا یُضِلُّ بِهِۦۤ إِلَّا ٱلۡفَـٰسِقِینَ ﴿٢٦﴾
تەفسیرا ساناهی
هندى خودێیه شه‌رمێ ژ حه‌قییێ ناكه‌ت كو ئه‌و تشته‌كى ژێ بـێـژت، يـێ بـچـويـك بــت يــان يــێ مه‌زن، ئه‌گه‌ر خۆ ئه‌و مه‌ته‌لا ب بچويكترين تشتى بت، وه‌كى پێشییێ ومێشێ وتشتێن دى یێن خودێ مه‌ته‌ل پێ ل سه‌ر بێزارییا وان ئيناى یێن ژ بلى خودێ په‌رستنا وان دئێته‌كرن، ڤێجا هندى خودان باوه‌رن كاربنه‌جهییا خودێ د ڤێ مه‌ته‌لئينانێ دا دزانن، وئه‌وێن كافر يارییان بۆ خۆ پێ دكه‌ن ودبێژن: مه‌به‌ستا خودێ ب ڤێ مه‌ته‌لئينانا ب مێش ومۆرێن بێ بها چییه؟ وخودێ به‌رسڤا وان دده‌ت كو مه‌به‌ست پێ جه‌ڕباندنه، ودا خودان باوه‌ر پێ ژ كافرى بێته ڤاڤارتن؛ له‌و خودێ ب ڤێ مه‌ته‌لێ به‌رێ گه‌له‌ك مرۆڤان ژ حه‌قییێ وه‌ردگێڕت ژ به‌ر ياریپێكرنا وان ب حه‌قییێ، وبه‌رێ هنده‌كێن دى ژبلى وان دده‌ته پتر باوه‌رییێ. وخودێ زۆردارییێ ل كه‌سێ ناكه‌ت؛ چونكى ئه‌و ژ فاسقان پێڤه‌تر به‌رێ ئێكى ژ حه‌قییێ وه‌رناگێڕت.