سورة البَقَرَة · ئایەت ٢٦٧
یَـٰۤأَیُّهَا ٱلَّذِینَ ءَامَنُوۤا۟ أَنفِقُوا۟ مِن طَیِّبَـٰتِ مَا كَسَبۡتُمۡ وَمِمَّاۤ أَخۡرَجۡنَا لَكُم مِّنَ ٱلۡأَرۡضِۖ وَلَا تَیَمَّمُوا۟ ٱلۡخَبِیثَ مِنۡهُ تُنفِقُونَ وَلَسۡتُم بِءَاخِذِیهِ إِلَّاۤ أَن تُغۡمِضُوا۟ فِیهِۚ وَٱعۡلَمُوۤا۟ أَنَّ ٱللَّهَ غَنِیٌّ حَمِیدٌ ﴿٢٦٧﴾
تەفسیرا ساناهی
ئه‌ى ئه‌وێن هه‌وه باوه‌رى ب من ئيناى ودويچوونا پێغه‌مبه‌رێن من كرى، ژ وى مالێ حه‌لال يێ هه‌وه ب ده‌ست خۆ ڤه ئيناى و ژ وى يێ مه بۆ هه‌وه ژ عه‌ردى ئينايه‌ده‌ر خێران بده‌ن، وهوین قه‌ستا مالێ بێ خێر نه‌كه‌ن دا ژێ بده‌نه فه‌قيران، ئه‌و مالێ ئه‌گه‌ر كو ئێكى دابا هه‌وه هه‌وه وه‌رنه‌دگرت وه‌سا نه‌بت هوين چاڤان ژێ بنقينن. ڤێجا چاوا هوين بۆ خودێ ب وى تشتى ڕازى دبن يێ هوين بۆ خۆ پێ ڕازى نابن؟ وهــويــن بـزانـن هندى ئه‌و خودايه يێ ڕزق دايه هه‌وه يێ ده‌وله‌مه‌نده وى چو منه‌ت ب خێرێن هه‌وه نينه، يێ هێژايى مه‌دحانه، كو هه‌رده‌م مه‌دحێن وى بێنه‌كرن.