سورة البَقَرَة · ئایەت ٣

ٱلَّذِینَ یُؤۡمِنُونَ بِٱلۡغَیۡبِ وَیُقِیمُونَ ٱلصَّلَوٰةَ وَمِمَّا رَزَقۡنَـٰهُمۡ یُنفِقُونَ ﴿٣﴾

تەفسیرا ساناهی

وئه‌و ته‌قوادار ئه‌ون يێن باوه‌رییێ ب وى تشتـێ نه‌به‌رچاڤ دئينن يێ كو ئه‌و ب هه‌ست وعه‌قلێ خۆ ب تنێ ناگه‌هنێ، چونكى ئه‌و ب وه‌حییێ ب تنێ دئێته‌ زانين ئه‌و وه‌حییا خودێ بۆ پێغه‌مبه‌رێن خۆ دهنێرت، وه‌كى: باوه‌رییا ب فريشته‌، وبه‌حه‌شت، وئاگرى، وتشتێن دى يێن خودێ یان پێغه‌مبه‌رێ وى سلاڤ لێ بن گۆتى. (وباوه‌رى په‌یڤه‌كا كۆمكه‌ره‌ بۆ هندێ مرۆڤ هه‌بوونا خــودێ ومـلــیـاكــه‌ت و كـیـتـاب و پێغه‌مبه‌ر وڕۆژا دویماهییێ وقه‌ده‌رێ باشى و خرابییا وێ، ب گۆتن وكریار بنه‌جهـ بكه‌ت، ب دلى وئه‌زمانى وئه‌ندامێن له‌شى) وئه‌و ته‌قوادار د گه‌ل باوه‌ری ئینانا ب تشتێ نه‌به‌رچاڤ، ل سه‌ركرنا نڤێژێ ب ڕه‌نگه‌كێ دورست و ل ده‌مێ وێ دمجدن، ل دويڤ شريعه‌تێ خودێ بۆ پێغه‌مبه‌رێ خۆ سلاڤ لێ بن دانايى، وئه‌و ژ وى مالێ مه‌ دايێ زه‌كاتێ وخێران دده‌ن.