سورة البَقَرَة · ئایەت ٧٤
ثُمَّ قَسَتۡ قُلُوبُكُم مِّنۢ بَعۡدِ ذَ ٰلِكَ فَهِیَ كَٱلۡحِجَارَةِ أَوۡ أَشَدُّ قَسۡوَةࣰۚ وَإِنَّ مِنَ ٱلۡحِجَارَةِ لَمَا یَتَفَجَّرُ مِنۡهُ ٱلۡأَنۡهَـٰرُۚ وَإِنَّ مِنۡهَا لَمَا یَشَّقَّقُ فَیَخۡرُجُ مِنۡهُ ٱلۡمَاۤءُۚ وَإِنَّ مِنۡهَا لَمَا یَهۡبِطُ مِنۡ خَشۡیَةِ ٱللَّهِۗ وَمَا ٱللَّهُ بِغَـٰفِلٍ عَمَّا تَعۡمَلُونَ ﴿٧٤﴾
تەفسیرا ساناهی
به‌لێ هه‌وه مفا ژ وێ چه‌ندێ نه‌دیت، وپشتى ڤان هه‌مى موعجيزه‌يێن په‌رده‌دڕ دلێن هه‌وه ڕه‌ق ودژوار بوون، وچو تێدا نه‌چوو، وئه‌و به‌رانبه‌ر ئايه‌تێن ئاشكه‌را يێن من نيشا هه‌وه داين نه‌رم نه‌بوون، حه‌تا دلێن هه‌وه وه‌كى كه‌ڤرێن كه‌ڕ لێ هاتن، به‌لكى هێشتا ڕه‌قتر ژى لێ هاتن؛ چونكى ژ كه‌ڤران هنده‌ك هه‌نه دپه‌قن وئه‌و ئاڤ ژێ دزێت، یا دبته رويبارێن بۆش، وهنده‌ك كه‌ڤر هه‌نه شه‌ق دبن، ڤێجا كانى ژێ ده‌ردكه‌ڤن، وهنده‌ك كه‌ڤر ژ ترسا خودێ دا ژ سه‌رێ چيايان ژۆردا دكه‌ڤن. وخودێ يێ بێ ئاگه‌هـ نينه ژ وى تشتێ هوين دكه‌ن.