سورة الحج · ئایەت ١١
وَمِنَ ٱلنَّاسِ مَن یَعۡبُدُ ٱللَّهَ عَلَىٰ حَرۡفࣲۖ فَإِنۡ أَصَابَهُۥ خَیۡرٌ ٱطۡمَأَنَّ بِهِۦۖ وَإِنۡ أَصَابَتۡهُ فِتۡنَةٌ ٱنقَلَبَ عَلَىٰ وَجۡهِهِۦ خَسِرَ ٱلدُّنۡیَا وَٱلۡءَاخِرَةَۚ ذَ ٰلِكَ هُوَ ٱلۡخُسۡرَانُ ٱلۡمُبِینُ ﴿١١﴾
تەفسیرا ساناهی
و ژ مرۆڤان هه‌يه يێ ب لاوازى وگومان دئێته د ئيسلامێ دا، ڤێجا ئه‌و ب دودلی په‌رستنا خودێ دكه‌ت، وه‌كى وى يێ ل سه‌ر لێڤا چيایه‌كى يان ديواره‌كى ڕاوه‌ستاى ونه‌شێت خۆ بگرت، وئه‌و باوه‌رییا خۆ ب دنيايا خۆ ڤه گرێ دده‌ت، ڤێجا ئه‌گه‌ر ئه‌و يێ ساخله‌م بوو و د ژينه‌كا به‌رفره‌هـ دا بوو ئه‌و دێ به‌رده‌وامییێ ل سه‌ر عيباده‌تى كه‌ت، وئه‌گه‌ر به‌لایه‌ك هاته سه‌رى وكه‌فته د نه‌خۆشى وته‌نگاڤییه‌كێ دا ئه‌و دێ وێ چه‌ندێ بۆ دينێ خۆ زڤڕينت، له‌و دێ ژێ زڤڕت وه‌كى وى يێ پشتى سه‌رڕاست بووى ب سه‌ر ڕوییێ خۆ دا وه‌رگه‌ڕياى، ڤێجا ئه‌وى ب وێ چه‌ندێ دنيايا خۆ ب خوساره‌تى دا؛ چونكى كوفرا وى وێ قه‌ده‌رێ ناگوهۆڕت يا د دنيايێ دا بۆ وى هاتییه نڤيسين، ووى ئاخره‌تا خۆ ژى ب خوساره‌تى دا كو چوويه ئاگرى، وئه‌ڤه‌يه زيانا ئاشكه‌را.