سورة النور · ئایەت ٣١
وَقُل لِّلۡمُؤۡمِنَـٰتِ یَغۡضُضۡنَ مِنۡ أَبۡصَـٰرِهِنَّ وَیَحۡفَظۡنَ فُرُوجَهُنَّ وَلَا یُبۡدِینَ زِینَتَهُنَّ إِلَّا مَا ظَهَرَ مِنۡهَاۖ وَلۡیَضۡرِبۡنَ بِخُمُرِهِنَّ عَلَىٰ جُیُوبِهِنَّۖ وَلَا یُبۡدِینَ زِینَتَهُنَّ إِلَّا لِبُعُولَتِهِنَّ أَوۡ ءَابَاۤئِهِنَّ أَوۡ ءَابَاۤءِ بُعُولَتِهِنَّ أَوۡ أَبۡنَاۤئِهِنَّ أَوۡ أَبۡنَاۤءِ بُعُولَتِهِنَّ أَوۡ إِخۡوَ ٰنِهِنَّ أَوۡ بَنِیۤ إِخۡوَ ٰنِهِنَّ أَوۡ بَنِیۤ أَخَوَ ٰتِهِنَّ أَوۡ نِسَاۤئِهِنَّ أَوۡ مَا مَلَكَتۡ أَیۡمَـٰنُهُنَّ أَوِ ٱلتَّـٰبِعِینَ غَیۡرِ أُو۟لِی ٱلۡإِرۡبَةِ مِنَ ٱلرِّجَالِ أَوِ ٱلطِّفۡلِ ٱلَّذِینَ لَمۡ یَظۡهَرُوا۟ عَلَىٰ عَوۡرَ ٰتِ ٱلنِّسَاۤءِۖ وَلَا یَضۡرِبۡنَ بِأَرۡجُلِهِنَّ لِیُعۡلَمَ مَا یُخۡفِینَ مِن زِینَتِهِنَّۚ وَتُوبُوۤا۟ إِلَى ٱللَّهِ جَمِیعًا أَیُّهَ ٱلۡمُؤۡمِنُونَ لَعَلَّكُمۡ تُفۡلِحُونَ ﴿٣١﴾
تەفسیرا ساناهی
وتو بێژه ژنێن خودان باوه‌ر: بلا ئه‌و چاڤێن خۆ ژ حه‌رامییێ بگرن، ونامويسا خۆ ژ تشتێ حه‌رام بپارێزن، وبلا ئه‌و خه‌مل وخێزا خۆ بۆ زه‌لامان ئاشكه‌را نه‌كه‌ن، وهندى ژ وان بێت بلا ئه‌و ڤه‌شێرن ئه‌و جلك تێ نه‌بن يێن ئه‌و ب سه‌ر جلكان دا دكه‌نه به‌ر خۆ، ئه‌گه‌ر چو فتنه ژێ چێ نه‌بن، وبلا ئه‌و ده‌رسۆكێن خۆ ب سه‌ر پستوى وبه‌رسنگێن خۆ دا به‌رده‌ن؛ دا باش بێنه ستاره‌كرن، وبلا ئه‌و خه‌ملا خۆ يا ڤه‌شارتى بۆ كه‌سێ ژبلی زه‌لامێن خۆ ئاشكه‌را نه‌كه‌ن؛ چونكى بۆ وان دورسته ئه‌و وێ ببينن يا خه‌لكێ دى نه‌بينت. وهنده‌ك ژ خه‌ملا وان وه‌كى دێمى وستوى وده‌ستان وزه‌ندكان دورسته بۆ بابێن وان وخه‌زويرێن وان وكۆڕێن وان ونه‌ڤسییێن وان وبرايێن وان وبرازايێن وان وخوارزايێن وان وژنكێن موسلمان -نه يێن كافر-، وعه‌بدێن وان، ووان زه‌لامێن هه‌وجه‌ى ژنكان نه‌بن، وزارۆكێن بچويك يێن نه‌گه‌هشتى وچو ژ عه‌وره‌تان نه‌زانن، بۆ ڤان دورسته هنده‌كێ ژ خه‌ملا ژنكێ ببينن، وده‌مێ ژن ب ڕێڤه دچن بلا پییێن خۆ ل عه‌ردى نه‌ده‌ن دا ده‌نگێ خه‌ملا وان يا ڤه‌شارتى وه‌كى ده‌نگێ خلخالان نه‌ئێته گوهـ لێ بوون، وهوين -گه‌لی خودان باوه‌ران- بزڤڕنه گوهدارییا خودايێ خۆ د وى تشتى دا يێ وى فه‌رمان پێ ل هه‌وه كرى ژ سالۆخه‌تێن جوان وئه‌خلاقێ باش، ووان ئه‌خلاقان بهێلن يێن خه‌لكێ جاهليه‌تێ دكرن ژ سالۆخه‌ت وئه‌خلاقێ بێ خێر؛ دا به‌لكى هوين خێرا دنيايێ وئاخره‌تێ ب ده‌ست خۆ ڤه بينن.