سورة النور · ئایەت ٣٣
وَلۡیَسۡتَعۡفِفِ ٱلَّذِینَ لَا یَجِدُونَ نِكَاحًا حَتَّىٰ یُغۡنِیَهُمُ ٱللَّهُ مِن فَضۡلِهِۦۗ وَٱلَّذِینَ یَبۡتَغُونَ ٱلۡكِتَـٰبَ مِمَّا مَلَكَتۡ أَیۡمَـٰنُكُمۡ فَكَاتِبُوهُمۡ إِنۡ عَلِمۡتُمۡ فِیهِمۡ خَیۡرࣰاۖ وَءَاتُوهُم مِّن مَّالِ ٱللَّهِ ٱلَّذِیۤ ءَاتَىٰكُمۡۚ وَلَا تُكۡرِهُوا۟ فَتَیَـٰتِكُمۡ عَلَى ٱلۡبِغَاۤءِ إِنۡ أَرَدۡنَ تَحَصُّنࣰا لِّتَبۡتَغُوا۟ عَرَضَ ٱلۡحَیَوٰةِ ٱلدُّنۡیَاۚ وَمَن یُكۡرِههُّنَّ فَإِنَّ ٱللَّهَ مِنۢ بَعۡدِ إِكۡرَ ٰهِهِنَّ غَفُورࣱ رَّحِیمࣱ ﴿٣٣﴾
تەفسیرا ساناهی
وئه‌وێن ژ فه‌قيرییێ يان ژ به‌ر هه‌ر ئه‌گه‌ره‌كا دى يا هه‌بت نه‌شێن ژنێ بينن، بلا ئه‌و خۆ ده‌همه‌ن پاقژ بكه‌ن وخۆ ژ حه‌رامییێ بده‌نه پاش حه‌تا خودێ ژ قه‌نجییا خۆ وان زه‌نگين بكه‌ت، وئه‌و بشێن ژنێ بينن. وئه‌و عه‌بد وجارییێن دخوازن به‌رانبه‌ر هنده‌ك مالی خــۆ ژ خودانێن خۆ بكڕن، يا ل سه‌ر خودانێن وان ئه‌وه ئه‌و ل به‌ر وێ چه‌ندێ بێن ئه‌گه‌ر وان ديت خێره‌كا د وان دا هه‌ى: كو ب عه‌قل بن وبشێن خۆ ب خودان بكه‌ن، و ل سه‌ر وان و ل سه‌ر خه‌لكێ دى ژى ئه‌وه ب مالی هاريكارییا وان بكه‌ن. وبۆ هه‌وه چێ نابت هوين كوته‌كییێ ل جارییێن خۆ بكه‌ن كو ئه‌و خرابییێ بكه‌ن دا مالی بۆ هه‌وه بينن، وچاوا هوين وێ چه‌ندێ دێ كه‌ن ووان ده‌همه‌ن پاقژى دڤێت وهوين قه‌بويل ناكه‌ن؟ وهه‌چییێ كوته‌كییێ ل وان بكه‌ت دا ئه‌و زنايێ بكه‌ن هندى خودێیه پشتى ڤێ كوته‌كییا ل وان دئێته‌كرن باش گونه‌هـ ژێبره بۆ وان، ويێ دلۆڤانكاره ب وان، وگونه‌هـ ل سه‌ر وانه يێن كوته‌كییێ ل وان دكه‌ن.