سورة النور · ئایەت ٥٨
یَـٰۤأَیُّهَا ٱلَّذِینَ ءَامَنُوا۟ لِیَسۡتَءۡذِنكُمُ ٱلَّذِینَ مَلَكَتۡ أَیۡمَـٰنُكُمۡ وَٱلَّذِینَ لَمۡ یَبۡلُغُوا۟ ٱلۡحُلُمَ مِنكُمۡ ثَلَـٰثَ مَرَّ ٰتࣲۚ مِّن قَبۡلِ صَلَوٰةِ ٱلۡفَجۡرِ وَحِینَ تَضَعُونَ ثِیَابَكُم مِّنَ ٱلظَّهِیرَةِ وَمِنۢ بَعۡدِ صَلَوٰةِ ٱلۡعِشَاۤءِۚ ثَلَـٰثُ عَوۡرَ ٰتࣲ لَّكُمۡۚ لَیۡسَ عَلَیۡكُمۡ وَلَا عَلَیۡهِمۡ جُنَاحُۢ بَعۡدَهُنَّۚ طَوَّ ٰفُونَ عَلَیۡكُم بَعۡضُكُمۡ عَلَىٰ بَعۡضࣲۚ كَذَ ٰلِكَ یُبَیِّنُ ٱللَّهُ لَكُمُ ٱلۡءَایَـٰتِۗ وَٱللَّهُ عَلِیمٌ حَكِیمࣱ ﴿٥٨﴾
تەفسیرا ساناهی
ئـــه‌ى ئه‌وێن باوه‌رى ب خــودێ ئيناى ودويكه‌فتنا پێغه‌مبه‌رێ وى كرى هوين فه‌رمانێ ل عه‌بد وجارییێن خـــۆ بكه‌ن، و ل زارۆكێن خۆ ژى ئه‌وێن بالغ نه‌بووين كو ل ده‌مێ هاتنێ ل سێ وه‌ختان بلا ئه‌و ده‌ستويرییێ ژ هه‌وه بخوازن: به‌رى نڤێژا سپێدێ؛ چونكى ل وى ده‌مى هوين جلكێن خۆ يێن نڤستنێ ددانن وجلكێن ڕۆژێ دكه‌نه به‌ر خۆ، و ل ده‌مێ هوين جلكێن خۆ ل نيڤرۆ بۆ بێنڤه‌دانێ ددانن، وپشتى نڤێژا عه‌يشا؛ چونكى ئه‌و ده‌مێ نڤستنێیه، ئه‌ڤ هه‌ر سێ ده‌مه بۆ هه‌وه ده‌مێن خۆڤه‌شارتن وستاره‌كرنێنه، و ل ده‌مێن دى چو نينه ئه‌گه‌ر ئه‌و بێ ده‌ستويرى بێنه ژۆر؛ چونكى ئه‌و دهه‌وجه‌نه بێنه نك هه‌وه، وبۆ خزمه‌تكرنێ ئه‌و ب سه‌ر هه‌وه دا دئێن، ووه‌كى خودێ حوكمێ خواستنا ده‌ستويرییێ بۆ هه‌وه ئاشكه‌راكرى وه‌سا ئه‌و ئايه‌ت وئه‌حكام وده‌ليلێن دينێ خۆ بۆ هه‌وه ئاشكه‌را دكه‌ت. وخودێ ب وى تشتى يێ پڕزانايه يێ چاكییا خه‌لكى تێدا بت، ويێ كاربنه‌جهه د ڕێڤه‌برنا كارێ وان دا.