سورة آل عِمران · ئایەت ٨٤
قُلۡ ءَامَنَّا بِٱللَّهِ وَمَاۤ أُنزِلَ عَلَیۡنَا وَمَاۤ أُنزِلَ عَلَىٰۤ إِبۡرَ ٰهِیمَ وَإِسۡمَـٰعِیلَ وَإِسۡحَـٰقَ وَیَعۡقُوبَ وَٱلۡأَسۡبَاطِ وَمَاۤ أُوتِیَ مُوسَىٰ وَعِیسَىٰ وَٱلنَّبِیُّونَ مِن رَّبِّهِمۡ لَا نُفَرِّقُ بَیۡنَ أَحَدࣲ مِّنۡهُمۡ وَنَحۡنُ لَهُۥ مُسۡلِمُونَ ﴿٨٤﴾
تەفسیرا ساناهی
تو -ئه‌ى پێغه‌مبه‌ر- بێژه وان: مه باوه‌رى ب خودێ ئينايه وگــوهـــداریـیـا وى كرییه، ڤێجا ژ وى پێڤه‌تر مه چو خودا نينن، و ژ بلى وى ئه‌م په‌رستنا كه‌سێ دى ناكه‌ين، ومه باوه‌رى ب وێ وه‌حییێ ئينايه يا خـــودێ ل سه‌ر مه ئينايه خــــوارێ، و ب وێ يا ل سه‌ر خۆشتڤییێ خودێ ئيبراهيمى، وهه‌ر دو كوڕێن وى ئيسماعيلى وئيسحاقى، ونه‌ڤییێ وى يه‌عقووبێ كوڕێ ئيسحاقى، هاتییه خوارێ، و ب وێ يا ل سه‌ر ئه‌سباتان هاتییه خوارێ -وئه‌و ئه‌و پێغه‌مبه‌ر بوون يێن د ناڤ هه‌ر دووازده ئويجاخێن ئسرائيلییان دا ژ عه‌يالێ يه‌عقووبى هاتينه هنارتن- و ب وێ يا بۆ مووسا وعيسایى ژ ته‌وراتێ وئنجيلێ هاتییه خوارێ، و ب وێ يا خودێ بۆ پێغه‌مبه‌رێن خۆ ئينايه خوارێ، ئه‌م باوه‌رییێ ب وێ هه‌مییێ دئينين، وچــو جوداهییێ نائێخينه د ناڤــبــه‌را ئێك ژ وان دا، وئه‌م د فه‌رمانا وى ب تنێ دايــنـه، گوهدارییا وى دكه‌ين، وشاهده‌يیێ ب خوداينییێ وپه‌رستنێ بۆ وى دده‌ين.