سورة النِّسَاء · ئایەت ١٩
یَـٰۤأَیُّهَا ٱلَّذِینَ ءَامَنُوا۟ لَا یَحِلُّ لَكُمۡ أَن تَرِثُوا۟ ٱلنِّسَاۤءَ كَرۡهࣰاۖ وَلَا تَعۡضُلُوهُنَّ لِتَذۡهَبُوا۟ بِبَعۡضِ مَاۤ ءَاتَیۡتُمُوهُنَّ إِلَّاۤ أَن یَأۡتِینَ بِفَـٰحِشَةࣲ مُّبَیِّنَةࣲۚ وَعَاشِرُوهُنَّ بِٱلۡمَعۡرُوفِۚ فَإِن كَرِهۡتُمُوهُنَّ فَعَسَىٰۤ أَن تَكۡرَهُوا۟ شَیۡءࣰا وَیَجۡعَلَ ٱللَّهُ فِیهِ خَیۡرࣰا كَثِیرࣰا ﴿١٩﴾
تەفسیرا ساناهی
ئه‌ى گه‌لى ئه‌وێن باوه‌رى ئيناى، بۆ هه‌وه يا دورست نينه هوين ژنبابێن خۆ بكه‌نه پشكه‌ك ژ وى ميراتى یێ بابێن هه‌وه هێلاى، هوين وان ل خۆ ماره بكه‌ن، يان نه‌هێلن ئه‌و شوى بكه‌ن، يان ل وان كه‌سان ماره بكه‌ن يێن هه‌وه دڤێن، بێى دلێ وان، وبۆ هه‌وه دورست نينه هوين ژ نه‌ڤيان زيانێ بگه‌هيننه ژنێن خۆ؛ دا ئه‌و بۆ هه‌وه ته‌نازولێ ژ هنده‌كێ ژ وى مالى بكه‌ن يێ هه‌وه دايێ وه‌ك مه‌هر يان ديارى، هنگى تێ نه‌بت ئه‌گه‌ر وان كرێتییه‌كا ئاشكه‌را وه‌كى ده‌همه‌ن پيسییێ كر، وێ گاڤێ هه‌وه مافێ هه‌ى هوين وان به‌رنه‌ده‌ن حه‌تا ئه‌و وى مالى ل هه‌وه نه‌زڤڕينن يێ هه‌وه دايێ. وهه‌ڤالينییا هه‌وه د گه‌ل ژنێن هه‌وه بلا يا ب قه‌درگرتن وڤيان بت، وهوين مافێن وان بده‌نێ. وئه‌گه‌ر هه‌وه ئه‌و نه‌ڤيان ژ به‌ر ئه‌گه‌ره‌كا دنيايێ هوين صه‌برێ بكێشن؛ چونكى دبت تشته‌ك هه‌بت هه‌وه نه‌ڤێت وئه‌و ب خۆ خێره‌كا گه‌له‌ك تێدا هه‌بت.