سورة مُحمد · ئایەت ٣٨
هَـٰۤأَنتُمۡ هَـٰۤؤُلَاۤءِ تُدۡعَوۡنَ لِتُنفِقُوا۟ فِی سَبِیلِ ٱللَّهِ فَمِنكُم مَّن یَبۡخَلُۖ وَمَن یَبۡخَلۡ فَإِنَّمَا یَبۡخَلُ عَن نَّفۡسِهِۦۚ وَٱللَّهُ ٱلۡغَنِیُّ وَأَنتُمُ ٱلۡفُقَرَاۤءُۚ وَإِن تَتَوَلَّوۡا۟ یَسۡتَبۡدِلۡ قَوۡمًا غَیۡرَكُمۡ ثُمَّ لَا یَكُونُوۤا۟ أَمۡثَـٰلَكُم ﴿٣٨﴾
تەفسیرا ساناهی
ئه‌ڤه هـــويـــن -گه‌لی خودان باوه‌ران- بۆ خه‌رجكرنا مالی د ڕێكا جيهادا دوژمنێن خــودێ دا يێن دئێنه گازيكرن، ڤێجا د ناڤ هه‌وه دا هه‌يه يێ قه‌لسییێ دكه‌ت، وهه‌چییێ قه‌لسییێ بكه‌ت هه‌ما ئه‌و قه‌لسییێ ل خۆ دكه‌ت، وخودێیه يێ بێ منه‌ت ژ هـــه‌وه وهوين هه‌ژارێن وينه، وئه‌گه‌ر هوين پشت بده‌نه باوه‌رییا ب خودێ وپێگيرییا ب فه‌رمانا وى، ئه‌و دێ ملله‌ته‌كێ دى ب هـــه‌وه گوهۆڕت، پاشى ئـــه‌و وه‌كى هه‌وه پشت ناده‌نه ئه‌مرێ خودێ، به‌لكى دێ گوهدارییا وى ويا پێغه‌مبه‌رێ وى كه‌ن، و ب مال وجانێ خۆ ئه‌و دێ جيهادێ د ڕێكا وى دا كه‌ن.