سورة الفَتح · ئایەت ٢٩
مُّحَمَّدࣱ رَّسُولُ ٱللَّهِۚ وَٱلَّذِینَ مَعَهُۥۤ أَشِدَّاۤءُ عَلَى ٱلۡكُفَّارِ رُحَمَاۤءُ بَیۡنَهُمۡۖ تَرَىٰهُمۡ رُكَّعࣰا سُجَّدࣰا یَبۡتَغُونَ فَضۡلࣰا مِّنَ ٱللَّهِ وَرِضۡوَ ٰنࣰاۖ سِیمَاهُمۡ فِی وُجُوهِهِم مِّنۡ أَثَرِ ٱلسُّجُودِۚ ذَ ٰلِكَ مَثَلُهُمۡ فِی ٱلتَّوۡرَىٰةِۚ وَمَثَلُهُمۡ فِی ٱلۡإِنجِیلِ كَزَرۡعٍ أَخۡرَجَ شَطۡءَهُۥ فَءَازَرَهُۥ فَٱسۡتَغۡلَظَ فَٱسۡتَوَىٰ عَلَىٰ سُوقِهِۦ یُعۡجِبُ ٱلزُّرَّاعَ لِیَغِیظَ بِهِمُ ٱلۡكُفَّارَۗ وَعَدَ ٱللَّهُ ٱلَّذِینَ ءَامَنُوا۟ وَعَمِلُوا۟ ٱلصَّـٰلِحَـٰتِ مِنۡهُم مَّغۡفِرَةࣰ وَأَجۡرًا عَظِیمَۢا ﴿٢٩﴾
تەفسیرا ساناهی
موحه‌ممه‌د پێغه‌مبه‌رێ خودێیه، وئه‌وێن د گه‌ل وى ل سه‌ر دينێ وى ل سه‌ر كافران ددژوارن، و د ناڤبه‌را خۆ دا ددلۆڤانن، تو وان دبينى ئه‌و د نڤێژێ دا بۆ خودێ دچنه ركووعێ وسجوودێ، ئه‌و دخوازن خودايێ وان قه‌نجییێ د گه‌ل وان بكه‌ت، ڤێجا وان ببه‌ته بــه‌حــــه‌شـتـێ، و ژ وان ڕازى ببت، نيشانا عه‌بدينییا وان بۆ خودێ ل سه‌ر وچاڤێن وان يا دياره ژ به‌ر شوينا سجوودێ وعيباده‌تى، ئه‌ڤه ئــــه‌و سالۆخه‌تێ وانه يـــــێ د ته‌وراتێ دا هاتى. ومه‌ته‌لا وان د ئنجيلێ دا وه‌كى مه‌ته‌لا وى چاندییه يێ چه‌ق وبستيكا خۆ ده‌رێخستى، پاشى تايێن وى زێـــــده بووين، و ب هێزكه‌فتى، وخۆ ل سه‌ر بنا خۆ گرتى وجوان ڕابووى، ب ڕه‌نگه‌كێ وه‌سا كو كه‌يفا وه‌رازان پێ بێت؛ دا ئه‌و ب مشه‌بوونا ڤان خودان باوه‌ران وجوانییا وان كه‌ربێن كافران ڤه‌كه‌ت. وئه‌ڤه ده‌ليله ل سه‌ر كوفرا وان يێن نه‌ڤيانا صه‌حابییان د دلی دا هـــه‌بــــت؛ چــــونكى هه‌چییێ خودێ ب صه‌حابییان كه‌ربێن وى ڤه‌كه‌ت، ئه‌و وى يێ خۆ هـێژاى كوفرێ كرى. خودێ سۆزا دايه وان يێن باوه‌رى ب خودێ وپێغه‌مبه‌رێ وى ئيناى وئه‌و كرى يا خودێ فه‌رمان پێ لێ كرى ژ وان، كو گونه‌هێن وان ژێ ببه‌ت، وخێره‌كا بێ ڤه‌بڕين، كو به‌حه‌شته، بده‌تێ. وسۆزا خودێ يا ڕاسته وهه‌ر دێ ب جهـ ئێت، وهه‌ر كه‌سه‌كێ ڕێكا صه‌حابییان بگرت ئه‌و ژى وه‌كى وانه، وباشترییا وان يا هندێیه ئه‌و به‌رێ هاتبوونه د ئيسلامێ دا وكه‌س نه‌شێت بگه‌هته ڕێزا وان، خودێ ژ وان ڕازى ببت.