سورة الحُجُرَات · ئایەت ٧
وَٱعۡلَمُوۤا۟ أَنَّ فِیكُمۡ رَسُولَ ٱللَّهِۚ لَوۡ یُطِیعُكُمۡ فِی كَثِیرࣲ مِّنَ ٱلۡأَمۡرِ لَعَنِتُّمۡ وَلَـٰكِنَّ ٱللَّهَ حَبَّبَ إِلَیۡكُمُ ٱلۡإِیمَـٰنَ وَزَیَّنَهُۥ فِی قُلُوبِكُمۡ وَكَرَّهَ إِلَیۡكُمُ ٱلۡكُفۡرَ وَٱلۡفُسُوقَ وَٱلۡعِصۡیَانَۚ أُو۟لَـٰۤئِكَ هُمُ ٱلرَّ ٰشِدُونَ ﴿٧﴾
تەفسیرا ساناهی
وهوين بزانن كو پێغه‌مبه‌رێ خودێ يێ د ناڤ هه‌وه دا، ڤێجا هوين د گه‌ل وى ب تۆره بن؛ چونكى ئه‌و ژ هه‌وه چێتر دزانت كانێ چ ب كێر هه‌وه دئێت، ئه‌وى خێر بۆ هه‌وه دڤێت، ودبت هه‌وه ئه‌و خرابى بــۆ خـۆ بڤێت يا ئه‌و ژ هه‌وه قه‌بويل نه‌كه‌ت، ئه‌گه‌ر ئه‌و د پترییا وى كارى دا يێ هوين بۆ خۆ هل دبژێرن گوهدارییا هه‌وه بكه‌ت، وه‌ستيانا هه‌وه د وێ چه‌ندێ دا دێ هه‌بت، به‌لێ خودێ باوه‌رى ل به‌ر هه‌وه شرين كر وئه‌و د دلێن هه‌وه دا خه‌ملاند، ڤێجا هه‌وه بـاوه‌رى ئينا، ووى كوفرا ب خودێ وبێ ئه‌مرییا وى ل به‌ر هه‌وه نه‌خۆش وكرێت كر، ئه‌وێن ئه‌ڤ سالۆخه‌ته ل نك هه‌ين ئه‌ون يێن سه‌رڕاست وڕێكا حه‌قییێ گرتين.