سورة المَائدة · ئایەت ٣٢
مِنۡ أَجۡلِ ذَ ٰلِكَ كَتَبۡنَا عَلَىٰ بَنِیۤ إِسۡرَ ٰۤءِیلَ أَنَّهُۥ مَن قَتَلَ نَفۡسَۢا بِغَیۡرِ نَفۡسٍ أَوۡ فَسَادࣲ فِی ٱلۡأَرۡضِ فَكَأَنَّمَا قَتَلَ ٱلنَّاسَ جَمِیعࣰا وَمَنۡ أَحۡیَاهَا فَكَأَنَّمَاۤ أَحۡیَا ٱلنَّاسَ جَمِیعࣰاۚ وَلَقَدۡ جَاۤءَتۡهُمۡ رُسُلُنَا بِٱلۡبَیِّنَـٰتِ ثُمَّ إِنَّ كَثِیرࣰا مِّنۡهُم بَعۡدَ ذَ ٰلِكَ فِی ٱلۡأَرۡضِ لَمُسۡرِفُونَ ﴿٣٢﴾
تەفسیرا ساناهی
ژ به‌ر ڤێ تاوانا كوشتنێ مه بۆ ئسرائيلییان كره شريعه‌ت كو هه‌چییێ نه‌فسه‌كێ بێ تۆل ڤه‌كرن، يان ژ به‌ر كرنا خرابكارییێ ودوژمناتییا شريعه‌تێ خودێ ل دنيايێ بكوژت، هه‌ر وه‌كى وى مرۆڤ هه‌مى كوشتين، ژ به‌ر كو وى خۆ هێژاى عه‌زابا خودێ يا مه‌زن كر، وهه‌چییێ خۆ ژ كوشتنا نه‌فسه‌كا خودێ حه‌رام كرى دا پاش هه‌ر وه‌كى وى مرۆڤ هه‌مى زێندى كرين؛ چونكى پاراستنا مرۆڤه‌كێ ب تنێ پاراستنه بۆ مرۆڤان هه‌مییان، و ب ڕاستى پێغه‌مبه‌رێن مه ب هێجه‌ت وده‌ليلێن ئاشكه‌را ل سه‌ر ڕاستییا په‌ياما وان بۆ گازى دكر، بۆ ئسرائيلییان هاتبوون، ژ باوه‌رى ئينانا ب خودێ وپێك ئينانا تشتێ ل سه‌ر وان هاتییه فه‌ركرن، پاشى پشتى هنارتنا پێغه‌مبه‌ران گه‌له‌ك ژ وان ئسرائيلییان ب كرنا حه‌رامییێ وهێلانا فه‌رمانا خودێ زێده‌گاڤییێ ل سه‌ر توخويبێن خودێ دكه‌ن.