سورة المَائدة · ئایەت ٦
یَـٰۤأَیُّهَا ٱلَّذِینَ ءَامَنُوۤا۟ إِذَا قُمۡتُمۡ إِلَى ٱلصَّلَوٰةِ فَٱغۡسِلُوا۟ وُجُوهَكُمۡ وَأَیۡدِیَكُمۡ إِلَى ٱلۡمَرَافِقِ وَٱمۡسَحُوا۟ بِرُءُوسِكُمۡ وَأَرۡجُلَكُمۡ إِلَى ٱلۡكَعۡبَیۡنِۚ وَإِن كُنتُمۡ جُنُبࣰا فَٱطَّهَّرُوا۟ۚ وَإِن كُنتُم مَّرۡضَىٰۤ أَوۡ عَلَىٰ سَفَرٍ أَوۡ جَاۤءَ أَحَدࣱ مِّنكُم مِّنَ ٱلۡغَاۤئِطِ أَوۡ لَـٰمَسۡتُمُ ٱلنِّسَاۤءَ فَلَمۡ تَجِدُوا۟ مَاۤءࣰ فَتَیَمَّمُوا۟ صَعِیدࣰا طَیِّبࣰا فَٱمۡسَحُوا۟ بِوُجُوهِكُمۡ وَأَیۡدِیكُم مِّنۡهُۚ مَا یُرِیدُ ٱللَّهُ لِیَجۡعَلَ عَلَیۡكُم مِّنۡ حَرَجࣲ وَلَـٰكِن یُرِیدُ لِیُطَهِّرَكُمۡ وَلِیُتِمَّ نِعۡمَتَهُۥ عَلَیۡكُمۡ لَعَلَّكُمۡ تَشۡكُرُونَ ﴿٦﴾
تەفسیرا ساناهی
ئه‌ى گه‌لى ئه‌وێن باوه‌رى ئيناى ئه‌گه‌ر هه‌وه ڤيا ڕابنه نڤێژێ، وهوين ب ده‌سنڤێژ نه‌بن، هوين ڕوییێ خۆ وده‌ستێن خۆ حه‌تا ئه‌نيشكان بشوون، وسه‌رێ خۆ ڤه‌مالن، وپییێن خۆ حه‌تا گۆزه‌كان بشوون. وئـــه‌گـــه‌ر هـــويـــن بـــێ نـڤـێــژ بـوون به‌رى نڤێژێ هوين ب سه‌رشويشتنێ خۆ پاقژ بكه‌ن. وئه‌گه‌ر هوين دنه‌ساخ بن، يان ژى هوين دساخ بن به‌لێ ل سه‌ر وه‌غه‌ره‌كێ بن، يان ئێك ژ هه‌وه تاره‌تا خۆ گرت، يان چوو نڤينا خۆ، وهه‌وه ئاڤ نه‌ديت، هوين ده‌ستێن خۆ ل ڕوییێ عه‌ردى بده‌ن، ودێم وده‌ستێن خۆ پێ ڤه‌مالن. د مه‌سه‌لا پاقژییێ دا خودێ نه‌ڤێت ل سه‌ر هه‌وه ته‌نگ بكه‌ت، له‌و بۆ به‌رفره‌هكرن ودلۆڤانى ب هه‌وه وى (ته‌يه‌مموم) بۆ هه‌وه دورست كر، دا جهێ ده‌سنڤێژ شويشتنێ بگرت، ودورستكرنا ته‌يه‌ممومێ ژ تمامییا قه‌نجییێيه يا كو دڤێت سوپاسییا قه‌نجيكارى پێ بێته‌كرن، كو گوهدارییا وى بێته‌كرن د وى تشتى دا يێ ئه‌و فه‌رمانێ پێ دكه‌ت.