سورة الأنعَام · ئایەت ٢٥
وَمِنۡهُم مَّن یَسۡتَمِعُ إِلَیۡكَۖ وَجَعَلۡنَا عَلَىٰ قُلُوبِهِمۡ أَكِنَّةً أَن یَفۡقَهُوهُ وَفِیۤ ءَاذَانِهِمۡ وَقۡرࣰاۚ وَإِن یَرَوۡا۟ كُلَّ ءَایَةࣲ لَّا یُؤۡمِنُوا۟ بِهَاۖ حَتَّىٰۤ إِذَا جَاۤءُوكَ یُجَـٰدِلُونَكَ یَقُولُ ٱلَّذِینَ كَفَرُوۤا۟ إِنۡ هَـٰذَاۤ إِلَّاۤ أَسَـٰطِیرُ ٱلۡأَوَّلِینَ ﴿٢٥﴾
تەفسیرا ساناهی
و ژ وان موشركان هنده‌ك هه‌نه گوهێ خۆ دده‌نه ته -ئه‌ى پێغه‌مبه‌ر- ده‌مێ تو قورئانێ دخوینى، به‌لێ ئه‌وا تو دبێژى ناگه‌هته دلێن وان؛ چونكى ژ به‌ر دويكه‌فتنا وان بۆ دلچوونان مه په‌رده ل سه‌ر دلێن وان داناينه؛ دا ئه‌و د قورئانێ نه‌گه‌هن، ومه كه‌ڕاتى وگرانى د گوهێن وان دا دانايه ڤێجا ئه‌و د تشته‌كى ناگه‌هن، وئه‌گه‌ر ئه‌و وان هه‌مى ئايه‌تێن پێغه‌مبه‌رينییا موحه‌ممه‌دى دورست ده‌رتێخن ببينن ژى ئه‌و باوه‌رییێ پێ نائينن، حه‌تا ده‌مێ ئه‌و دئێنه نك ته -ئه‌ى پێغه‌مبه‌ر- پشتى ئه‌و وان ئايه‌تێن ڕاستگۆيیا ته ئاشكه‌را دكه‌ن دبینن، ئه‌و هه‌ڤڕكییێ د گه‌ل ته دكه‌ن، ئه‌وێن كافرى ب ئايه‌تێن خودێ كرى دبێژن: ئه‌ڤ تشتێ مه گوهـ لێ دبت هه‌ما ئه‌و ئه‌فسانه وچيرۆكێن دره‌ون يێن خه‌لكێ به‌رێ ڤه‌دگێڕان.