سورة المُمتَحنَة · ئایەت ١
یَـٰۤأَیُّهَا ٱلَّذِینَ ءَامَنُوا۟ لَا تَتَّخِذُوا۟ عَدُوِّی وَعَدُوَّكُمۡ أَوۡلِیَاۤءَ تُلۡقُونَ إِلَیۡهِم بِٱلۡمَوَدَّةِ وَقَدۡ كَفَرُوا۟ بِمَا جَاۤءَكُم مِّنَ ٱلۡحَقِّ یُخۡرِجُونَ ٱلرَّسُولَ وَإِیَّاكُمۡ أَن تُؤۡمِنُوا۟ بِٱللَّهِ رَبِّكُمۡ إِن كُنتُمۡ خَرَجۡتُمۡ جِهَـٰدࣰا فِی سَبِیلِی وَٱبۡتِغَاۤءَ مَرۡضَاتِیۚ تُسِرُّونَ إِلَیۡهِم بِٱلۡمَوَدَّةِ وَأَنَا۠ أَعۡلَمُ بِمَاۤ أَخۡفَیۡتُمۡ وَمَاۤ أَعۡلَنتُمۡۚ وَمَن یَفۡعَلۡهُ مِنكُمۡ فَقَدۡ ضَلَّ سَوَاۤءَ ٱلسَّبِیلِ ﴿١﴾
تەفسیرا ساناهی
ئه‌ى ئه‌وێن باوه‌رى ئيناى، هوين دوژمنێن من ودوژمنێن خۆ بۆ خۆ نه‌كه‌نه دۆست وسه‌ركار، دلێ خۆ بده‌نێ وده‌نگ وباسێن پێغه‌مبه‌رى -سلاڤ لێ بن- بۆ ببه‌ن، ونهێنییێن موسلمانان بۆ بێژن، ووان كوفر ب وێ حه‌قییێ كرییه يا بۆ هه‌وه هاتى ژ باوه‌رى ئــيــنــانــا ب خــــودێ وپێغه‌مبه‌رێ وى وئه‌و تشتێ هاتییه خـــوارێ ژ قـــورئانێ، ئــه‌و پـێـغـه‌مبه‌رى وهــه‌وه ژى -گه‌لی خودان باوه‌ران- ژ (مه‌كه‌هێ) ده‌ردئێخن؛ چونكى هه‌وه باوه‌رى ب خودێ خودايێ خۆ وته‌وحيدا وى ئينايه، ئه‌گه‌ر هوين -گه‌لی خودان باوه‌ران- پێخه‌مه‌ت جيهادا د ڕێكا من دا مشه‌خت بووينه؛ دا ڕازيبوونا من ب ده‌ست خۆ بێخن، هوين وه‌لائا خۆ نه‌ده‌نه دوژمنێن من ودوژمنێن خۆ، كو ب نه‌په‌نى ڤه حه‌ز ژ وان بكه‌ن، وئه‌ز ب وێ يێ زانامه يا هه‌وه ڤه‌شارتى ويا هه‌وه ئاشكه‌را كرى، وهه‌چییێ ژ هه‌وه وێ چه‌ندێ بـكــه‌ت ب ڕاســتى ئه‌وى ڕێكـا ڕاست يا ل به‌ر خۆ به‌رزه‌كرى ويێ ژ حه‌قییێ ده‌ركه‌فتى.