سورة المُنَافِقُونَ · ئایەت ٤
۞ وَإِذَا رَأَیۡتَهُمۡ تُعۡجِبُكَ أَجۡسَامُهُمۡۖ وَإِن یَقُولُوا۟ تَسۡمَعۡ لِقَوۡلِهِمۡۖ كَأَنَّهُمۡ خُشُبࣱ مُّسَنَّدَةࣱۖ یَحۡسَبُونَ كُلَّ صَیۡحَةٍ عَلَیۡهِمۡۚ هُمُ ٱلۡعَدُوُّ فَٱحۡذَرۡهُمۡۚ قَـٰتَلَهُمُ ٱللَّهُۖ أَنَّىٰ یُؤۡفَكُونَ ﴿٤﴾
تەفسیرا ساناهی
وئه‌گه‌ر تو به‌رێ خۆ بده‌يه ڤان دوڕوییان سه‌روبه‌رێ وان دێ يێ ب دلێ ته بت، وئه‌گه‌ر ئه‌و باخڤن تو دێ گوهـ ده‌يه ئاخفتنا وان؛ چونكى ئه‌و بۆ ئاخفتنێ دڕه‌هوانن، وئه‌و ژ به‌ر دلێن وان يێن ڤالا ژ باوه‌رییێ، وسه‌رێن وان يێن ڤالا ژ زانين وتێگه‌هشتنێ وه‌كى وان ده‌پانـــه يێن بــۆ ديوارى هاتينه پالدان، ئه‌و دارێن چو ژين تێدا نه، ئه‌و هزر دكه‌ن هه‌ر ده‌نگه‌كێ بلند ل سه‌ر وانه وبۆ وان يێ خرابه؛ چونكى ئه‌و ڕاستییا خۆ دزانن، وهندى ئه‌و دترسينۆكن، و ژ به‌ر وێ سه‌هما دلێن وان تژى كرى، ئه‌ون يێن گه‌له‌ك دوژمناتییا ته وخودان باوه‌ران كرى، ڤێجا يێ ژێ هشياربه، خودێ وان شه‌رمزار بكه‌ت و ژ ڕه‌حما خۆ بێ بار بكه‌ت، چاوا ئه‌و به‌رێ خۆ ژ حه‌قییێ وه‌ردگێڕن وقه‌ستا دوڕوياتییێ وسه‌رداچوونێ دكه‌ن؟