سورة النَّازعَات · ئایەت ١٧

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ ﴿١٧﴾

تەفسیرا ساناهی

خودێ ب وان فريشته‌يان سويند خوار يێن ب كێشانه‌كا دژوار رحێن كافران دكێشن، و ب وان يێن خۆش ورحه‌ت رحێن خودان باوه‌ران دكێشن، و ب وان فريشته‌يان يێن ل ده‌مێ دادان وڕابوونا خۆ خۆش دئێن، و ب وان ملياكه‌تێن ده‌مێ وه‌حییێ دئينن به‌رى شه‌يتانان ڕادكه‌ن؛ دا ئه‌و چويێ ژێ نه‌دزن، و ب وان ملياكه‌تان يێن وێ فه‌رمانا خودايێ خۆ ب جهـ دئينن يا ژ وان هاتییه‌ داخوازكرن كو ئه‌و ب جهـ بينن -وبۆ مرۆڤى دورست نينه‌ ژبلی خودێ ئه‌و ب تشته‌كێ دى سويند بخۆت، وئه‌گه‌ر وه‌ كر دێ كه‌فته‌ د شركێ دا- خه‌لك پشتى مرنێ دێ ڕابن وحسێب دێ د گه‌ل ئێته‌كرن، ڕۆژا ب پفكرنا ئێكێ يا مراندنێ عه‌رد ڤه‌دله‌رزت، وپفكرنا دووێ يا زێنديكرنێ ب دويڤ دا دئێت.