سورة الأنفَال · ئایەت ١
۞ یَسۡءَلُونَكَ عَنِ ٱلۡأَنفَالِۖ قُلِ ٱلۡأَنفَالُ لِلَّهِ وَٱلرَّسُولِۖ فَٱتَّقُوا۟ ٱللَّهَ وَأَصۡلِحُوا۟ ذَاتَ بَیۡنِكُمۡۖ وَأَطِیعُوا۟ ٱللَّهَ وَرَسُولَهُۥۤ إِن كُنتُم مُّؤۡمِنِینَ ﴿١﴾
تەفسیرا ساناهی
ئه‌ى پێغه‌مبه‌ر هه‌ڤالێن ته پسيارا ده‌سكه‌فتییێن ڕۆژا (به‌درێ) ژ ته دكه‌ن كانێ چاوا تو دێ وان د ناڤبه‌را وان دا لێكڤه‌كه‌ى؟ تو بێژه وان: هندى مه‌سه‌لا ده‌سكه‌فتییانه بۆ خودێ وپێغه‌مبه‌رێ وییه، پێغه‌مبه‌ر ب فه‌رمانا خودايێ خۆ دێ وان لێكڤه كه‌ت، ڤێجا هوين ژ عه‌زابا خودێ بترسن وبێ ئه‌مرییا وى نه‌كه‌ن، وهه‌ڤڕكییێ سه‌را ڤى مالى نه‌كه‌ن، و د ناڤبه‌را خۆ دا حالى چاك بكه‌ن، وپێگيرییێ ب گوهدارییا خودێ وپێغه‌مبه‌رێ وى بكه‌ن، ئه‌گه‌ر هوين دخودان باوه‌رن؛ چونكى باوه‌رى هندێ دخوازت گوهدارییا خودێ وپێغه‌مبه‌رێ وى بێته‌كرن.