سورة الأنفَال · ئایەت ١٩
إِن تَسۡتَفۡتِحُوا۟ فَقَدۡ جَاۤءَكُمُ ٱلۡفَتۡحُۖ وَإِن تَنتَهُوا۟ فَهُوَ خَیۡرࣱ لَّكُمۡۖ وَإِن تَعُودُوا۟ نَعُدۡ وَلَن تُغۡنِیَ عَنكُمۡ فِئَتُكُمۡ شَیۡءࣰا وَلَوۡ كَثُرَتۡ وَأَنَّ ٱللَّهَ مَعَ ٱلۡمُؤۡمِنِینَ ﴿١٩﴾
تەفسیرا ساناهی
هوين -گه‌لى كافران- ئه‌گه‌ر داخوازێ ژ خودێ بكه‌ن كو ئه‌و عه‌زابا خۆ داڕێژته سه‌ر زۆردار وته‌عداكه‌ران، ئه‌ڤه خودێ داخوازا هه‌وه ب جهـ ئينا، ده‌مێ وى عه‌زابا خۆ دايه هه‌وه وه‌ك جزادان بۆ هه‌وه ووج ژێ وه‌رگرتن بۆ ته‌قواداران، وئه‌گه‌ر هوين -گه‌لى كافران- كوفرا خۆ ب خودێ وپێغه‌مبه‌رێ وى به‌س كه‌ن، ئه‌و ل دنيايێ وئاخره‌تێ بۆ هه‌وه چێتره، وئه‌گه‌ر هوين ل كرنا شه‌ڕێ موحه‌ممه‌دى سلاڤ لێ بن ودويكه‌فتییێن وى بزڤڕن، ئه‌م ژى دێ ل شكاندنا هه‌وه ب ڕه‌نگه‌كێ وه‌كى شكاندنا ل ڕۆژا (به‌درێ) زڤڕين، وكۆما هه‌وه ب تشته‌كى مفایى ناگه‌هينته هه‌وه، وه‌كى كو ل ڕۆژا (به‌درێ) چو مفا نه‌گه‌هاندییه هه‌وه، هه‌ر چه‌نده هژمارا هه‌وه وچه‌كێ هه‌وه ژ يێ خودان باوه‌ران پتر ژى بوو، وهندى خودێیه ب پشته‌ڤانییا خۆ يێ د گه‌ل خودان باوه‌ران.