سورة الأنفَال · ئایەت ٣٦
إِنَّ ٱلَّذِینَ كَفَرُوا۟ یُنفِقُونَ أَمۡوَ ٰلَهُمۡ لِیَصُدُّوا۟ عَن سَبِیلِ ٱللَّهِۚ فَسَیُنفِقُونَهَا ثُمَّ تَكُونُ عَلَیۡهِمۡ حَسۡرَةࣰ ثُمَّ یُغۡلَبُونَۗ وَٱلَّذِینَ كَفَرُوۤا۟ إِلَىٰ جَهَنَّمَ یُحۡشَرُونَ ﴿٣٦﴾
تەفسیرا ساناهی
هندى ئه‌ون يێن كوفر ب ته‌وحیدا خودێ كرى، وبێ ئه‌مرییا پێغه‌مبه‌رێ وى كرى، ئه‌و مالێ خۆ خه‌رج دكه‌ن ودده‌نه سه‌رداچوويێن وه‌كى خۆ؛ دا ئه‌و به‌رێ خه‌لكى ژ ڕێكا خودێ بده‌نه پاش، وخودان باوه‌ران ژ باوه‌رییا ب خودێ وپێغه‌مبه‌رێ وى بده‌نه پاش، ڤێجا ئه‌و دێ مالێ خۆ د وێ ڕێكێ دا خه‌رج كه‌ن، پاشى دويماهییا وێ خه‌رجكرنێ دێ بۆ وان بته كه‌سه‌ر وپه‌شێمانى؛ چونكى مالێ وان دێ چت، وهيڤییا وان دكر كو ڕۆناهییا خودێ ڤه‌مرينن وبه‌رێ خه‌لكى ژ ڕێكا وى بده‌نه پاش ب جهـ نائێت، پاشى دويماهییێ خودان باوه‌ر دێ وان شكێنن. وئه‌وێن كافر بووين بۆ جه‌هنه‌مێ دێ ئێنه كۆمكرن ودێ تێدا ئێنه عه‌زابدان.