سورة البُرُوج · ئایەت ١٩
بَلِ ٱلَّذِینَ كَفَرُوا۟ فِی تَكۡذِیبࣲ ﴿١٩﴾
تەفسیرا ساناهی
خودێ ب وى عه‌سمانى سويند خوار يێ ئه‌و جهـ لێ هه‌ين يێن ڕۆژ وهه‌يڤ لێ دچن، و ب ڕۆژا قيامه‌تێ يا خودێ ژڤان پێ دايه خه‌لكى كو وان تێدا كۆم بكه‌ت، و ب وى شاهدێ شاهده‌يیێ دده‌ت، و ب وى يێ شاهده‌يى ل سه‌ر دئێته‌دان. وچى تشتێ خودێ بڤێت بۆ وى هه‌يه ئه‌و پێ سويند بخۆت، به‌لێ بۆ مرۆڤى چێ نابت ب تشته‌كى ژبلی خودێ سويند بخۆت؛ چونكى سويندا نه ب خودێ بت شركه. تێچوون وهــاتــنـــه عه‌زابدان ودويـــركـــرن ژ ڕه‌حما خودێ ئه‌وێن خه‌نده‌كێن مه‌زن بۆ عه‌زابدانا خودان باوه‌ران ل عه‌ردى چێكرين، وئاگـــره‌كێ دژوار تێدا هلكرى، ده‌مــــێ ئــــه‌و ل سه‌ر لێڤێن خه‌نده‌كان روينشتيـن وماينه ل وێرێ، وئه‌و دئاماده‌يى وێ عه‌زابێ بوون يا وان ئينايه سه‌رێ خودان باوه‌ران. ووان ئه‌ڤ عه‌زابه نه ژ به‌ر تشته‌كى ئينا سه‌رێ وان ب تنێ ژ به‌ر هندێ نه‌بت كو وان باوه‌رى ب خودايێ زال ئينا بوو يێ كه‌س وى بێزار نه‌كه‌ت، يێ د گۆتن وكريار وسالۆخه‌تێن خۆ دا هێژاى مه‌دحان، ئه‌وێ ملكێ عه‌سمانان وعه‌ردى يێ وى، وئه‌و ل سه‌ر هه‌ر تشته‌كى شاهده، چو تشت ل وى به‌رزه نابن.