سورة التوبَة · ئایەت ١١١

۞ إِنَّ ٱللَّهَ ٱشۡتَرَىٰ مِنَ ٱلۡمُؤۡمِنِینَ أَنفُسَهُمۡ وَأَمۡوَ ٰلَهُم بِأَنَّ لَهُمُ ٱلۡجَنَّةَۚ یُقَـٰتِلُونَ فِی سَبِیلِ ٱللَّهِ فَیَقۡتُلُونَ وَیُقۡتَلُونَۖ وَعۡدًا عَلَیۡهِ حَقࣰّا فِی ٱلتَّوۡرَىٰةِ وَٱلۡإِنجِیلِ وَٱلۡقُرۡءَانِۚ وَمَنۡ أَوۡفَىٰ بِعَهۡدِهِۦ مِنَ ٱللَّهِۚ فَٱسۡتَبۡشِرُوا۟ بِبَیۡعِكُمُ ٱلَّذِی بَایَعۡتُم بِهِۦۚ وَذَ ٰلِكَ هُوَ ٱلۡفَوۡزُ ٱلۡعَظِیمُ ﴿١١١﴾

تەفسیرا ساناهی

هندى خودێیه‌ ‌نه‌فسا خودان باوه‌ران ژ وان كڕییه‌ كو به‌رانبه‌رى وێ بــه‌حــه‌شـــت بــۆ وان هه‌يه‌، وئه‌و خۆشییا تێدا هه‌ى ژ به‌ر دانا وان بۆ سه‌ر ومالێ خۆ د ڕێكا جيهادا دوژمنێن خودێ دا ژ بۆ بلندكرنا دينێ وى، ڤێجا ئه‌و كوشتنێ دكه‌ن ودئێنه‌ كوشتن، ئه‌ڤه‌ سۆزه‌كا ژ ڕاستییه‌ ل سه‌ر وى د وێ ته‌وراتێ دا يا بۆ مووساى سلاڤ لێ بن هاتى، و د وێ ئنجيلێ دا يا بۆ عيساى سلاڤ لێ بن هاتى، و د وێ قورئانێ دا يا بۆ موحه‌ممه‌دى سلاڤ لێ بن هاتى. وكه‌س ژ خودێ پتر يێ وه‌فادار نينه‌ بۆ په‌يمانا خۆ، ڤێجا هوين -گه‌لی خودان باوه‌ران- ب كه‌يف بكه‌ڤن ژ به‌ر وێ كڕين وفرۆتنا هه‌وه‌ د گه‌ل خودێ كرى، و ب وێ په‌يمانا وى ب به‌حه‌شتێ وڕازيبوونێ دايه‌ هه‌وه‌، وئه‌ڤ كڕين وفرۆتنه‌يه‌ سه‌ركه‌فتنا مه‌زن.