سورة الرَّعد · ئایەت ١٦
قُلۡ مَن رَّبُّ ٱلسَّمَـٰوَ ٰتِ وَٱلۡأَرۡضِ قُلِ ٱللَّهُۚ قُلۡ أَفَٱتَّخَذۡتُم مِّن دُونِهِۦۤ أَوۡلِیَاۤءَ لَا یَمۡلِكُونَ لِأَنفُسِهِمۡ نَفۡعࣰا وَلَا ضَرࣰّاۚ قُلۡ هَلۡ یَسۡتَوِی ٱلۡأَعۡمَىٰ وَٱلۡبَصِیرُ أَمۡ هَلۡ تَسۡتَوِی ٱلظُّلُمَـٰتُ وَٱلنُّورُۗ أَمۡ جَعَلُوا۟ لِلَّهِ شُرَكَاۤءَ خَلَقُوا۟ كَخَلۡقِهِۦ فَتَشَـٰبَهَ ٱلۡخَلۡقُ عَلَیۡهِمۡۚ قُلِ ٱللَّهُ خَـٰلِقُ كُلِّ شَیۡءࣲ وَهُوَ ٱلۡوَ ٰحِدُ ٱلۡقَهَّـٰرُ ﴿١٦﴾
تەفسیرا ساناهی
تو -ئه‌ى پێغه‌مبه‌ر- بێژه بوتپه‌رێسان: كییه ئافرانده‌رێ عه‌سمانان وعه‌ردى وڕێڤه‌به‌رێ وان؟ تو بێژه: خودێیه، پاشى ژ بۆ نه‌هێلانا چو هێجه‌تان بۆ وان تو بێژه: ئه‌رێ هه‌وه -ژبلی وى- هنده‌ك خودايێن دى بۆ خۆ گرتينه، وئه‌و نه‌شێن چو مفایى يان زيانێ بگه‌هيننه خۆ حه‌تا بگه‌هيننه هه‌وه، وهه‌وه په‌رستنا خودايێ وان هێلايه؟ تو بێژه وان: ئه‌رێ ما ل نك هه‌وه مرۆڤێ كافر -ئه‌ڤێ وه‌كى كۆره‌ى- ويێ خودان باوه‌ر -كو وه‌كى يێ ب چاڤه- وه‌كى ئێكن؟ يان ل نك هه‌وه كوفر -كو وه‌كى تارییانه- وباوه‌رى -كو ڕۆناهییه- وه‌كى ئێكن؟ يان ئه‌و خودايێن وان بۆ خودێ كرينه هه‌ڤپشك ئافراندنه‌كا وه‌كى يا خودێ دكه‌ن، ڤێجا ئافراندنا وان هه‌ڤپشكان ل به‌ر وان تێكه‌لی ئافراندنا خودێ بوويه، ڤێجا وان هزركرییه كو ئه‌و خوداوه‌ند ژى هێژاى په‌رستنێنه؟ تو بێژه وان: خودێیه ئافرانده‌رێ هه‌مى تشتان ژ چوننه‌يێ، وئه‌و ب تنێیه يێ هێژاى په‌رستنێ، وئه‌وه ئێكێ ب سه‌رڤه‌هاتى يێ هێژاى خوداينی وپه‌رستنێ، نه كو ئه‌و صه‌نه‌مێن نه چو زیانێ نه چو مفایى نه‌گه‌هینن.