سورة الكَهف · ئایەت ٢٩
وَقُلِ ٱلۡحَقُّ مِن رَّبِّكُمۡۖ فَمَن شَاۤءَ فَلۡیُؤۡمِن وَمَن شَاۤءَ فَلۡیَكۡفُرۡۚ إِنَّاۤ أَعۡتَدۡنَا لِلظَّـٰلِمِینَ نَارًا أَحَاطَ بِهِمۡ سُرَادِقُهَاۚ وَإِن یَسۡتَغِیثُوا۟ یُغَاثُوا۟ بِمَاۤءࣲ كَٱلۡمُهۡلِ یَشۡوِی ٱلۡوُجُوهَۚ بِئۡسَ ٱلشَّرَابُ وَسَاۤءَتۡ مُرۡتَفَقًا ﴿٢٩﴾
تەفسیرا ساناهی
وتو بێژه ڤان بێ ئاگه‌هان: ئه‌وا ئه‌ز بۆ هه‌وه پێ هاتيم ئه‌وه حه‌قییا ژ نك خودايێ هه‌وه هاتى، ڤێجا هه‌چییێ ژ هه‌وه بڤێت باوه‌رییێ پێ بينت ودويكه‌فتنا وێ بكه‌ت بلا وه بكه‌ت ئه‌و بۆ وى چێتره، وهه‌چییێ بڤێت كافرییێ پێ بكه‌ت بلا بكه‌ت، وهه‌ما وى زۆردارى ل خۆ كرییه. هندى ئه‌مين مه بۆ كافران ئاگره‌كێ دژوار ئاماده‌كریــیــه شــويـــرهــا وى دۆرا ل وان گرتى، وئه‌گه‌ر ئه‌ڤ كافره د ئاگرى دا هه‌وار بكه‌ن و ژ تێهنا خۆ يا دژوار دا ئاڤێ بخوازن، ئاڤه‌كا وه‌كى زه‌يته‌كا شێلی وزێده كه‌لاندى يا ڕوییان دبرێژت دێ بۆ وان ئێت. پيسه ڤه‌خوارنه ئه‌ڤ ڤه‌خوارنا تێنا وان نه‌شكێنت به‌لكى پتر لێ دكه‌ت، وئاگر خرابه جهه بۆ وان. و د ڤێ ئايه‌تێ دا گه‌ف وگوڕه‌كا دژوار هه‌يه بۆ وى يێ پشت بده‌ته حه‌قییێ، وباوه‌رییێ ب په‌ياما موحه‌ممه‌دى -سلاڤ لێ بن- نه‌ئينت، وكارى پێ نه‌كه‌ت.