سورة البَقَرَة · ئایەت ٢٨٥
ءَامَنَ ٱلرَّسُولُ بِمَاۤ أُنزِلَ إِلَیۡهِ مِن رَّبِّهِۦ وَٱلۡمُؤۡمِنُونَۚ كُلٌّ ءَامَنَ بِٱللَّهِ وَمَلَـٰۤئِكَتِهِۦ وَكُتُبِهِۦ وَرُسُلِهِۦ لَا نُفَرِّقُ بَیۡنَ أَحَدࣲ مِّن رُّسُلِهِۦۚ وَقَالُوا۟ سَمِعۡنَا وَأَطَعۡنَاۖ غُفۡرَانَكَ رَبَّنَا وَإِلَیۡكَ ٱلۡمَصِیرُ ﴿٢٨٥﴾
تەفسیرا ساناهی
پێغه‌مبه‌رێ خودێ موحه‌ممه‌دى سلاڤ لێ بن باوه‌رییه‌كا باوه‌رى ب وێ ئينايه يا بۆ وى ب وه‌حى ژ نك خودايێ وى هاتى، وحه‌قێ وییه ئه‌و باوه‌رییێ بینت، وخودان باوه‌ران ژى باوه‌رى ئينايه وكار ب قورئانا مه‌زن كرییه، وان هه‌مییان باوه‌رى ب خودێ ئينايه كو خودایه‌كێ خودان سالۆخه‌تێن مه‌زن وتمامه، وكو خودێ ملیاكه‌تێن ب قه‌در هه‌نه، وكو وى كتێب يێن ئيناينه خوارێ، و پێغه‌مبه‌ر بۆ خه‌لكى هنارتينه، ئه‌م خودان باوه‌ر باوه‌رییێ ب هنده‌ك ژ وان نائينين وكوفرێ ب هنده‌كان بكه‌ين، به‌لكى ئه‌م باوه‌رییێ ب وان هه‌مییان دئينين. وپێغه‌مبه‌رى وخودان باوه‌ران گۆت: خودايێ مه، مه گوهـ ل وێ بوو يا ته ب وه‌حى هنارتى، ومه گوهدارییا وێ هه‌مییێ كر، مه هيڤییه كو تو ل مه ببۆرى، چونكى تويى يێ ته ئه‌م ب قه‌نجییێن خۆ ب خودان كرين، وزڤڕينا مه بۆ نك ته ب تنێیه.