سورة البَقَرَة · ئایەت ٢٨٦
لَا یُكَلِّفُ ٱللَّهُ نَفۡسًا إِلَّا وُسۡعَهَاۚ لَهَا مَا كَسَبَتۡ وَعَلَیۡهَا مَا ٱكۡتَسَبَتۡۗ رَبَّنَا لَا تُؤَاخِذۡنَاۤ إِن نَّسِینَاۤ أَوۡ أَخۡطَأۡنَاۚ رَبَّنَا وَلَا تَحۡمِلۡ عَلَیۡنَاۤ إِصۡرࣰا كَمَا حَمَلۡتَهُۥ عَلَى ٱلَّذِینَ مِن قَبۡلِنَاۚ رَبَّنَا وَلَا تُحَمِّلۡنَا مَا لَا طَاقَةَ لَنَا بِهِۦۖ وَٱعۡفُ عَنَّا وَٱغۡفِرۡ لَنَا وَٱرۡحَمۡنَاۤۚ أَنتَ مَوۡلَىٰنَا فَٱنصُرۡنَا عَلَى ٱلۡقَوۡمِ ٱلۡكَـٰفِرِینَ ﴿٢٨٦﴾
تەفسیرا ساناهی
دينێ خودێ يێ ب ساناهییه، وخودێ وى تشتى ژ به‌نییێن خۆ ناخوازت يێ ئه‌و نه‌شێن بكه‌ن، ڤێجا هه‌چییێ باشییه‌كێ بكه‌ت باشى دێ ئێته ڕێكا وى، وهه‌چییێ خرابییێ بكه‌ت خرابى دێ ئێته ڕێكا وى. خودايێ مه ئه‌گه‌ر تشته‌كێ ته ل سه‌ر مه فه‌ركرى مه ژ بيركر تو ل مه نه‌گره، يان ئه‌گه‌ر ئه‌م خه‌له‌ت بووين ومه تشته‌ك كر يێ ته ئه‌م ژێ داينه پاش، خودايێ مه وتو باره‌كێ ب زه‌حمه‌ت يێ ئه‌م نه‌شێينێ ژ وى يێ ته ل گونه‌هكارێن به‌رى مه كرى تو ل مه نه‌كه، خودايێ مه وتو باره‌كێ گران ژ داخوازى وگرفتارییان يێ ئه‌م نه‌شێينێ ل مه نه‌كه، وتو گونه‌هێن مه ژێ ببه، وعه‌يبێن مه ڤه‌شێره، وقه‌نجییێ د گه‌ل مه بكه، تو خودان وسه‌ركارێ مه‌يى، ڤێجا تو مه ب سه‌ر وان بێخه يێن باوه‌رى ب دينێ ته نه‌ئيناى وكافرى ب ئێكينییا ته كرى، وپێغه‌مبه‌رێ ته موحه‌ممه‌د سلاڤ لێ بن دره‌وین ده‌رێخستى.