سورة النور · ئایەت ٦١
لَّیۡسَ عَلَى ٱلۡأَعۡمَىٰ حَرَجࣱ وَلَا عَلَى ٱلۡأَعۡرَجِ حَرَجࣱ وَلَا عَلَى ٱلۡمَرِیضِ حَرَجࣱ وَلَا عَلَىٰۤ أَنفُسِكُمۡ أَن تَأۡكُلُوا۟ مِنۢ بُیُوتِكُمۡ أَوۡ بُیُوتِ ءَابَاۤئِكُمۡ أَوۡ بُیُوتِ أُمَّهَـٰتِكُمۡ أَوۡ بُیُوتِ إِخۡوَ ٰنِكُمۡ أَوۡ بُیُوتِ أَخَوَ ٰتِكُمۡ أَوۡ بُیُوتِ أَعۡمَـٰمِكُمۡ أَوۡ بُیُوتِ عَمَّـٰتِكُمۡ أَوۡ بُیُوتِ أَخۡوَ ٰلِكُمۡ أَوۡ بُیُوتِ خَـٰلَـٰتِكُمۡ أَوۡ مَا مَلَكۡتُم مَّفَاتِحَهُۥۤ أَوۡ صَدِیقِكُمۡۚ لَیۡسَ عَلَیۡكُمۡ جُنَاحٌ أَن تَأۡكُلُوا۟ جَمِیعًا أَوۡ أَشۡتَاتࣰاۚ فَإِذَا دَخَلۡتُم بُیُوتࣰا فَسَلِّمُوا۟ عَلَىٰۤ أَنفُسِكُمۡ تَحِیَّةࣰ مِّنۡ عِندِ ٱللَّهِ مُبَـٰرَكَةࣰ طَیِّبَةࣰۚ كَذَ ٰلِكَ یُبَیِّنُ ٱللَّهُ لَكُمُ ٱلۡءَایَـٰتِ لَعَلَّكُمۡ تَعۡقِلُونَ ﴿٦١﴾
تەفسیرا ساناهی
چو گونه‌هـ ل سه‌ر خودان عوزران ژ كۆره وسه‌قه‌ت ونه‌خۆشان نينه كو ئه‌و هنده‌ك كارێن واجب نه‌كه‌ن وه‌كى جيهادێ وهه‌ر تشته‌كێ ل سه‌ر چاڤى بۆ كۆره‌ى وپێیى بۆ سه‌قه‌تى وساخله‌مییێ بۆ نه‌خۆشى ڕاوه‌ستت، وچو گونه‌هـ ل ســـه‌ر هه‌وه ب خــۆ ژى نينه -گه‌لی خودان باوه‌ران- كو هوين خوارنێ بخۆن ل مالێن عه‌يالێن خۆ، يان ل مالێن بابێن خۆ، يان ل مالێن ده‌یكێن خۆ، يان ل مالێن برايێن خۆ، يان ل مالێن خويشكێن خۆ، يان ل مالێن مامێن خۆ، يان ل مالێن مه‌تێن خۆ، يان ل مالێن خالێن خــۆ، يان ل مالێن خاله‌تێن خــۆ، يان ل وان مالێن هــوين ب ده‌ستويرییا خودانان لێ بووينه وه‌كيل هـنــدى ئه‌و نه‌دحازر، يان ل مالێن هه‌ڤالان، وچو گونه‌هه‌ك ل سه‌ر هه‌وه نينه كو هـويــن پێكڤه يان جــودا جـــودا خوارنێ بخۆن، ڤێجا ئه‌گه‌ر هوين چوونه د هنده‌ك مالان ڤه يێن مرۆڤ لێ بن يان لێ نه‌بن، هوين ب سلاڤا ئيسلامێ سلاڤ بكه‌نه ئێك ودو وبێژن: (السلام عليكم ورحمة الله وبركاته) يان (السلام علينا وعلی عباد الله الصالحين) ئه‌گه‌ر كه‌س ل ژۆر نه‌بوو، وئه‌ڤ سلاڤه‌يه يا خودێ داناى، وئه‌و يا ب خێره وڤيانێ د دلان دا دچينت، ويا پاقژه وبۆ گوهدارى يا خۆشه، و ب ئاشكه‌راكرنه‌كا ب ڤى ڕه‌نگى خودێ ئايه‌ت وڕێنيشانێن دينێ خۆ بۆ هه‌وه ئاشكه‌را دكه‌ت؛ دا هوين تێ بگه‌هن وكارى پێ بكه‌ن.