سورة العَنكبُوت · ئایەت ٤٦
۞ وَلَا تُجَـٰدِلُوۤا۟ أَهۡلَ ٱلۡكِتَـٰبِ إِلَّا بِٱلَّتِی هِیَ أَحۡسَنُ إِلَّا ٱلَّذِینَ ظَلَمُوا۟ مِنۡهُمۡۖ وَقُولُوۤا۟ ءَامَنَّا بِٱلَّذِیۤ أُنزِلَ إِلَیۡنَا وَأُنزِلَ إِلَیۡكُمۡ وَإِلَـٰهُنَا وَإِلَـٰهُكُمۡ وَ ٰحِدࣱ وَنَحۡنُ لَهُۥ مُسۡلِمُونَ ﴿٤٦﴾
تەفسیرا ساناهی
و ب ڕه‌نگێ باشتر، وگۆتنا جوانتر نه‌بت هوين -گه‌لی خودان باوه‌ران- دان وستاندنێ د گه‌ل جوهى وفه‌لان نه‌كه‌ن، ئه‌و تێ نه‌بن يێن به‌رێ خۆ ژ حه‌قییێ وه‌رگێڕاى وڕكدارى كرى وخۆ مه‌زن كرى وخۆ بۆ شه‌رێ هه‌وه ئاماده‌كرى، هوين ب شيرى وان باخێڤن حه‌تا ئه‌و باوه‌رییێ بينن، يان ژى ب سه‌رشۆڕى زێڕه‌سه‌رییێ بده‌ن، وهوين بێژن: مه باوه‌رى ب وێ قورئانێ ئينايه يا بۆ مه هاتییه خوارێ، ومه باوه‌رى ب ته‌ورات وئنجيلێ ژى يێن بۆ هه‌وه هاتينه خوارێ ئينايه، وخودايێ مه وخودايێ هه‌وه ئێكه وى چو هه‌ڤپشك د خۆيينى وناڤ وسالۆخه‌تان دا نينن، ومه خۆ ته‌سليمى ئه‌مر وفه‌رمانا وى كرییه.