سورة آل عِمران · ئایەت ١١٩
هَـٰۤأَنتُمۡ أُو۟لَاۤءِ تُحِبُّونَهُمۡ وَلَا یُحِبُّونَكُمۡ وَتُؤۡمِنُونَ بِٱلۡكِتَـٰبِ كُلِّهِۦ وَإِذَا لَقُوكُمۡ قَالُوۤا۟ ءَامَنَّا وَإِذَا خَلَوۡا۟ عَضُّوا۟ عَلَیۡكُمُ ٱلۡأَنَامِلَ مِنَ ٱلۡغَیۡظِۚ قُلۡ مُوتُوا۟ بِغَیۡظِكُمۡۗ إِنَّ ٱللَّهَ عَلِیمُۢ بِذَاتِ ٱلصُّدُورِ ﴿١١٩﴾
تەفسیرا ساناهی
ئه‌ڤه نيشانا خه‌له‌تییا هه‌وه‌يه كو هوين حه‌ز ژ وان بكه‌ن، چونكى هوين حه‌ز ژ وان دكه‌ن وقه‌نجییێ د گه‌ل وان دكه‌ن، وئه‌و حه‌ز ژ هه‌وه ناكه‌ن ونه‌ڤيان ودوژمناتییا هه‌وه دكه‌ن، وهوين باوه‌رییێ ب هه‌مى كيتابێن هاتينه خوارێ دئينن وكيتابا وان ئێك ژ وانه، وئه‌و باوه‌رییێ ب كيتابا هه‌وه نائينن، ڤێجا چاوا هوين حه‌ز ژ وان دكه‌ن؟ وئه‌گه‌ر ئه‌و هاتنه نك هه‌وه ژ منافقى ئه‌و دێ بێژن: مه باوه‌رى ئينايه، وئه‌گه‌ر ئه‌و مانه ب تنێ د گه‌ل ئێك ودو خه‌م وقه‌هرا خۆ ئاشكه‌را دكه‌ن، و ژ كه‌ربان دا تبلێن خۆ دده‌نه به‌ر له‌قان، ده‌مێ ئه‌و هه‌وه دبينن هوين حه‌ز ژ ئێك ودو دكه‌ن وهوين ئێك بير وڕانه، وئيسلام يا ب هێزه، وئه‌و ژ به‌ر ئيسلامێ دڕه‌زيلن. تو -ئه‌ى پێغه‌مبه‌ر- بێژه وان: ژ كه‌رب وكينا خۆ دا بمرن. هــنــدى خـودێیه ب تشتێ ڤه‌شارتى د سنگان دا يێ ئاگه‌هداره، وئه‌و جزايێ هه‌ر كه‌سه‌كى ل دويڤ كريارا وى دێ ده‌تێ.