سورة آل عِمران · ئایەت ١٥٢
وَلَقَدۡ صَدَقَكُمُ ٱللَّهُ وَعۡدَهُۥۤ إِذۡ تَحُسُّونَهُم بِإِذۡنِهِۦۖ حَتَّىٰۤ إِذَا فَشِلۡتُمۡ وَتَنَـٰزَعۡتُمۡ فِی ٱلۡأَمۡرِ وَعَصَیۡتُم مِّنۢ بَعۡدِ مَاۤ أَرَىٰكُم مَّا تُحِبُّونَۚ مِنكُم مَّن یُرِیدُ ٱلدُّنۡیَا وَمِنكُم مَّن یُرِیدُ ٱلۡءَاخِرَةَۚ ثُمَّ صَرَفَكُمۡ عَنۡهُمۡ لِیَبۡتَلِیَكُمۡۖ وَلَقَدۡ عَفَا عَنكُمۡۗ وَٱللَّهُ ذُو فَضۡلٍ عَلَى ٱلۡمُؤۡمِنِینَ ﴿١٥٢﴾
تەفسیرا ساناهی
و ب ڕاستى خودێ په‌يمانا خۆ د گه‌ل هه‌وه كو هه‌وه ب سه‌ربێخت پێك ئينا، ده‌مێ هه‌وه ب ئانه‌هییا وى ل شه‌ڕێ (ئوحودێ) كافر دكوشتن، حه‌تا ده‌مێ هوين ترسیاين، و ژ كرنا شه‌ڕى لاواز بووين، وهوين د ناڤبه‌را خۆ دا ژێك جودابووين: كانێ ل جهێن خۆ بمينن، يان ژى جهێن خۆ بهێلن وبچن ده‌سكه‌فتییان كۆم بكه‌ن؟ وهه‌وه گوهدارییا پێغه‌مبه‌رێ خۆ نه‌كر ده‌مێ وى فه‌رمان ل هه‌وه كرى كو ب چ حالێ هه‌ى هوين جهێن خۆ نه‌هێلن، هنگى شكه‌ستن كه‌ته ڕێزێن هه‌وه پشتى وى ئه‌و نيشا چاڤێن هه‌وه داى يا هه‌وه حه‌ز ژێ دكر ژ سه‌ركه‌فتنێ، وئاشكه‌را بوو كو هنده‌ك ژ هه‌وه هه‌نه ده‌سكه‌فتى دڤێن، وهنده‌ك ژ هه‌وه هه‌نه ئاخره‌ت دڤێت، پاشى خودێ به‌رێ هه‌وه ژ وان وه‌رگێڕا؛ دا هه‌وه بجه‌ڕبينت، و ب ڕاستى خودێ تۆبه وپه‌شێمانییا هه‌وه زانى له‌و وى هوين عـه‌فـى كــرن، وخــودێ خودان سه‌راتى وقه‌نجییا مه‌زنه ل سه‌ر خودان باوه‌ران.