سورة الفَتح · ئایەت ٢٥
هُمُ ٱلَّذِینَ كَفَرُوا۟ وَصَدُّوكُمۡ عَنِ ٱلۡمَسۡجِدِ ٱلۡحَرَامِ وَٱلۡهَدۡیَ مَعۡكُوفًا أَن یَبۡلُغَ مَحِلَّهُۥۚ وَلَوۡلَا رِجَالࣱ مُّؤۡمِنُونَ وَنِسَاۤءࣱ مُّؤۡمِنَـٰتࣱ لَّمۡ تَعۡلَمُوهُمۡ أَن تَطَءُوهُمۡ فَتُصِیبَكُم مِّنۡهُم مَّعَرَّةُۢ بِغَیۡرِ عِلۡمࣲۖ لِّیُدۡخِلَ ٱللَّهُ فِی رَحۡمَتِهِۦ مَن یَشَاۤءُۚ لَوۡ تَزَیَّلُوا۟ لَعَذَّبۡنَا ٱلَّذِینَ كَفَرُوا۟ مِنۡهُمۡ عَذَابًا أَلِیمًا ﴿٢٥﴾
تەفسیرا ساناهی
كافرێن قوره‌يشییانه يێن باوه‌رى ب ته‌وحيدا خودێ نه‌ئيناى، ونه‌هێلاى ل ڕۆژا حوده‌يبیێ هوين بچنه مزگه‌فتا حه‌رام، وقوربانێن هه‌وه گرتین ونه‌هێلاى ئه‌و بگه‌هنه وى جهێ دڤێت ئه‌و لێ بێنه ڤه‌كوشتن، كو حه‌ره‌مه. وئه‌گه‌ر نه ژ به‌ر هنده‌ك زه‌لامێن خـــودان باوه‌رێن بــێ ده‌سهه‌لات وهنده‌ك ژنێن خودان باوه‌ر با كو د ناڤ ڤان كافران دانه ل (مه‌كه‌هێ) ئه‌و ژ ترسان دا باوه‌رییا خۆ ڤه‌دشێرن هوين وان نانياسن؛ ژ تــرســێـــن هـــنــــدێ دا كو هوين ب له‌شكه‌رێ خۆ پــــێ لێ بدانن ووان بكوژن، ڤێجا ژ نه‌زانين و ژ به‌ر وێ كوشتنا هوين دكه‌ن گونه‌هـ وفهێتى وخه‌رامه‌ت بكه‌فته سه‌ر هه‌وه، ئه‌گه‌ر ژ به‌ر هندێ نه‌با ئه‌م دا هه‌وه ل سه‌ر وان زال كه‌ين؛ دا خـــــودێ وى بێخته ژێــــر ڕه‌حما خــۆ يێ بڤێت ومنه‌ت ب باوه‌رییێ لێ كرى، ئه‌گه‌ر ئه‌ڤ خودان باوه‌ره د ناڤ بوتپه‌رێسێن (مه‌كه‌هێ) دا نه‌بانه، ئه‌م دا ئه‌وێن كافر بووين ب عه‌زابه‌كا ب ئێش عه‌زاب ده‌ين.