سورة الفَتح · ئایەت ٢٦
إِذۡ جَعَلَ ٱلَّذِینَ كَفَرُوا۟ فِی قُلُوبِهِمُ ٱلۡحَمِیَّةَ حَمِیَّةَ ٱلۡجَـٰهِلِیَّةِ فَأَنزَلَ ٱللَّهُ سَكِینَتَهُۥ عَلَىٰ رَسُولِهِۦ وَعَلَى ٱلۡمُؤۡمِنِینَ وَأَلۡزَمَهُمۡ كَلِمَةَ ٱلتَّقۡوَىٰ وَكَانُوۤا۟ أَحَقَّ بِهَا وَأَهۡلَهَاۚ وَكَانَ ٱللَّهُ بِكُلِّ شَیۡءٍ عَلِیمࣰا ﴿٢٦﴾
تەفسیرا ساناهی
ده‌مێ ئه‌وێن كافر بووين سه‌رگه‌رمییا جاهليه‌تێ كرییه دلێن خۆ؛ دا ئه‌و باوه‌رییێ ب پێغه‌مبه‌رينییا موحه‌ممه‌دى -سلاڤ لێ بن- نه‌ئينن، وه‌كى هنگى ده‌مێ ئه‌و ل به‌ر نه‌هاتين د صولحا حوده‌يبیێ دا (بسم الله الرحمن الرحيم)ێ بنڤيسن يان بنڤيسن (ئه‌ڤه ئه‌وه يا پێغه‌مبه‌رێ خودێ موحه‌ممه‌د ل به‌ر هاتى)، ڤێجا خودێ دلڕحه‌تى ب سه‌ر پێغه‌مبه‌رێ خۆ وخودان باوه‌رێن د گه‌ل وى دا ئينا خوارێ، وبه‌رێ وان دا پێگيرییا ب گۆتنا (لا إله إلا الله) كو سه‌رێ هه‌ر ته‌قوايه‌كێیه، وپێغه‌مبه‌ر سلاڤ لێ بن وخودان باوه‌ر ژ بوتپه‌رێسان هه‌ژيترێن په‌يڤا ته‌قوايێ بوون، وئه‌و بوون خودانێن ڤێ په‌يڤێ نه‌كو بوتپه‌رێس. وخودێ ب هه‌ر تشته‌كى يێ پڕزانا بوويه تشته‌ك ل به‌ر وى به‌رزه نابت.