سورة المَائدة · ئایەت ٢
یَـٰۤأَیُّهَا ٱلَّذِینَ ءَامَنُوا۟ لَا تُحِلُّوا۟ شَعَـٰۤئِرَ ٱللَّهِ وَلَا ٱلشَّهۡرَ ٱلۡحَرَامَ وَلَا ٱلۡهَدۡیَ وَلَا ٱلۡقَلَـٰۤئِدَ وَلَاۤ ءَاۤمِّینَ ٱلۡبَیۡتَ ٱلۡحَرَامَ یَبۡتَغُونَ فَضۡلࣰا مِّن رَّبِّهِمۡ وَرِضۡوَ ٰنࣰاۚ وَإِذَا حَلَلۡتُمۡ فَٱصۡطَادُوا۟ۚ وَلَا یَجۡرِمَنَّكُمۡ شَنَءَانُ قَوۡمٍ أَن صَدُّوكُمۡ عَنِ ٱلۡمَسۡجِدِ ٱلۡحَرَامِ أَن تَعۡتَدُوا۟ۘ وَتَعَاوَنُوا۟ عَلَى ٱلۡبِرِّ وَٱلتَّقۡوَىٰۖ وَلَا تَعَاوَنُوا۟ عَلَى ٱلۡإِثۡمِ وَٱلۡعُدۡوَ ٰنِۚ وَٱتَّقُوا۟ ٱللَّهَۖ إِنَّ ٱللَّهَ شَدِیدُ ٱلۡعِقَابِ ﴿٢﴾
تەفسیرا ساناهی
ئه‌ى ئه‌وێن باوه‌رى ب خودێ وپێغه‌مبه‌رێ وى ئيناى، وكار ب شریعه‌تێ وى كرى، هوين پێ ل توخويب وڕێنيشانێن خودێ نه‌دانن، وكرنا شه‌ڕى د مه‌هێن حه‌رام دا دورست نه‌كه‌ن، وئه‌و ژى ئه‌ڤ مه‌هه‌نه: ذولقه‌عده وذولحججه وموحه‌رره‌م وڕه‌جه‌ب، وئه‌ڤ چه‌نده ل ده‌سپێكا ئيسلامێ بوو، وهوين حه‌رامبوونا قوربانان وئه‌و قوربانێن ڕستك د ستويان دا حه‌لال نه‌كه‌ن، وعه‌ده‌تێ وان بوو وان هنده‌ك ڕستكێن ژ هرییێ هاتينه چێكرن دكرنه ستويێ قوربانان؛ دا بێته زانين كو ئه‌ڤ حه‌يوانه قوربانا وى مرۆڤییه يێ دڤێت حه‌جێ بكه‌ت، وهوين كرنا شه‌ڕێ وان دورست نه‌كه‌ن يێن قه‌ستا به‌يتا حه‌رام دكه‌ن پێخه‌مه‌ت خواستنا قه‌نجییه‌كێ ژ خودايێ خۆ وڕازيبوونا وى. وئه‌گه‌ر هوين ژ ئيحرامێن خۆ ده‌ركه‌فتن نێچير بۆ هه‌وه دورست دبت، ونه‌ڤيانا وى ملله‌تێ نه‌هێلاى هوين بگه‌هنه مزگه‌فتا حه‌رام -وه‌كى ل سالا حوده‌يبیێ چێبووى- بــلا هه‌وه بۆ هندێ پال نه‌ده‌ت كو هوين دادییێ د ده‌رحه‌قا وان دا نه‌كه‌ن، وهوين د ناڤبه‌را خۆ دا هاريكارییێ ل سه‌ر كرنا خێرێ بكه‌ن، وته‌قوایا خودێ بكه‌ن، وهوين هاريكارییێ ل سه‌ر كرنا گونه‌هێ وپێلێدانا توخويبێن خودێ نه‌كه‌ن، وهشيارى بێ ئه‌مرییا خودێ بن، هندى ئه‌وه ئه‌و يێ عه‌زاب دژواره.