سورة المَائدة · ئایەت ٣
حُرِّمَتۡ عَلَیۡكُمُ ٱلۡمَیۡتَةُ وَٱلدَّمُ وَلَحۡمُ ٱلۡخِنزِیرِ وَمَاۤ أُهِلَّ لِغَیۡرِ ٱللَّهِ بِهِۦ وَٱلۡمُنۡخَنِقَةُ وَٱلۡمَوۡقُوذَةُ وَٱلۡمُتَرَدِّیَةُ وَٱلنَّطِیحَةُ وَمَاۤ أَكَلَ ٱلسَّبُعُ إِلَّا مَا ذَكَّیۡتُمۡ وَمَا ذُبِحَ عَلَى ٱلنُّصُبِ وَأَن تَسۡتَقۡسِمُوا۟ بِٱلۡأَزۡلَـٰمِۚ ذَ ٰلِكُمۡ فِسۡقٌۗ ٱلۡیَوۡمَ یَئِسَ ٱلَّذِینَ كَفَرُوا۟ مِن دِینِكُمۡ فَلَا تَخۡشَوۡهُمۡ وَٱخۡشَوۡنِۚ ٱلۡیَوۡمَ أَكۡمَلۡتُ لَكُمۡ دِینَكُمۡ وَأَتۡمَمۡتُ عَلَیۡكُمۡ نِعۡمَتِی وَرَضِیتُ لَكُمُ ٱلۡإِسۡلَـٰمَ دِینࣰاۚ فَمَنِ ٱضۡطُرَّ فِی مَخۡمَصَةٍ غَیۡرَ مُتَجَانِفࣲ لِّإِثۡمࣲ فَإِنَّ ٱللَّهَ غَفُورࣱ رَّحِیمࣱ ﴿٣﴾
تەفسیرا ساناهی
خودێ حه‌یوانێ مرار ل سه‌ر هه‌وه حه‌رام كرییه، وخوينا رۆن، وگۆشتێ به‌ڕازى، وئه‌و ڤه‌كوشتییێ ناڤێ ئێكێ دى ژ بلى خودێ ده‌مێ ڤه‌كوشتنێ ل سه‌ر هاتییه گۆتن، وئه‌و حه‌يوانێ هاتییه خه‌ندقاندن حه‌تا فه‌تسى، وئه‌وێ ب دربێ دارى يان به‌رى هاتییه كوشتن، وئه‌وێ د عه‌رده‌كى دا فڕى يان كه‌فتییه د بيره‌كێ دا حه‌تا مرى، وئه‌وێ ب قۆچلێدانێ هاتییه كوشتن، وخودێ ئه‌و حه‌يوان ژى ل سه‌ر هه‌وه حه‌رام كرییه یێ ده‌هبه‌كێ وه‌كى شێرى يان پلنگى يان گورگى دڕاندى. ئه‌و تێ نه‌بت يێ هوين ڤێڕا گه‌هشتين وبه‌رى بمرت هه‌وه ڤه‌كوشتى ئه‌و ياێ حه‌لاله، وخودێ ئه‌و ل سه‌ر هه‌وه حه‌رام كرییه يێ نه بۆ خودێ هاتییه ڤه‌كوشتن، وه‌كى يێ بۆ صه‌نه‌مان دئێته ڤه‌كوشتن، وخودێ ل سه‌ر هه‌وه حه‌رام كرییه كو هوين داخوازا زانينا وى تشتێ بۆ هه‌وه ده‌ركه‌فتى يان نه‌ده‌ركه‌فتى ب ڕێكا تيركێشانێ بكه‌ن. ئه‌ڤ تشتێن حه‌رام يێن كو به‌حسێ وان د ئايه‌تێ دا هاتییه كرن -ئه‌گه‌ر بێنه‌كرن- ده‌ركه‌فتنا ژ فه‌رمان وگوهدارییا خودێیه بۆ بێ ئه‌مرییا وى. نوكه كافر ژ دينێ هه‌وه بێ هيڤى بوون كو هوين جاره‌كا دى ل شركێ بزڤڕنه‌ڤه پشتى من هوين ب سه‌ر وان ئێخستين، ڤێجا هــويــن ژ وان نه‌ترسن و ژ مـن بترسن. ئه‌ڤرۆكه ب تمامكرنا شريعه‌تى و ب سه‌ركه‌فتنێ من دينێ هه‌وه دينێ ئيسلامێ بۆ هه‌وه پێك ئينا، ومن قه‌نجییا خۆ ل سه‌ر هه‌وه تمام كر ب ده‌رێخستنا هه‌وه ژ تارییێن جاهليه‌تێ بۆ ڕۆناهییا ئيسلامێ، وئه‌ز ڕازى بووم ئيسلام بۆ هه‌وه ببته دين، ڤێجا هوين پێگيرییێ پێ بكه‌ن، وخۆ ژێ ڤه‌ده‌ر نه‌كه‌ن، وهه‌چییێ د خه‌لايێ دا نه‌چار بوو مرارى بخۆت، و ژ قه‌ستا مه‌يلدارى بۆ گونه‌هێ نه‌كر بت، بۆ وى دورسته ئه‌و ژێ بخۆت، هندى خودێیه باش گونه‌هـ ژێبره بۆ وى، ودلۆڤانكاره ب وى.