سورة الطَّلَاق · ئایەت ١
۞ یَـٰۤأَیُّهَا ٱلنَّبِیُّ إِذَا طَلَّقۡتُمُ ٱلنِّسَاۤءَ فَطَلِّقُوهُنَّ لِعِدَّتِهِنَّ وَأَحۡصُوا۟ ٱلۡعِدَّةَۖ وَٱتَّقُوا۟ ٱللَّهَ رَبَّكُمۡۖ لَا تُخۡرِجُوهُنَّ مِنۢ بُیُوتِهِنَّ وَلَا یَخۡرُجۡنَ إِلَّاۤ أَن یَأۡتِینَ بِفَـٰحِشَةࣲ مُّبَیِّنَةࣲۚ وَتِلۡكَ حُدُودُ ٱللَّهِۚ وَمَن یَتَعَدَّ حُدُودَ ٱللَّهِ فَقَدۡ ظَلَمَ نَفۡسَهُۥۚ لَا تَدۡرِی لَعَلَّ ٱللَّهَ یُحۡدِثُ بَعۡدَ ذَ ٰلِكَ أَمۡرࣰا ﴿١﴾
تەفسیرا ساناهی
ئه‌ى پێغه‌مبه‌ر ئه‌گه‌ر ته وخودان باوه‌ران ڤيا هوين ژنێن خۆ به‌رده‌ن هوين ل ده‌مێ پاقژییێ -وبه‌رى چوونا نك وان- وان به‌رده‌ن، وهوين ده‌مێ عددان بهژمێرن؛ دا هوين ده‌مێ زڤڕاندنێ بزانن ئه‌گه‌ر هات وهه‌وه ڤيا وان بزڤڕينن، وهوين ژ خودێ خودايێ خۆ بترسن، هوين ژنێن به‌رداى ژ وان خانییان ده‌رنه‌ئێخن يێن ئه‌و لێ دئاكنجى حه‌تا عدده‌ێن وان خلاس نه‌بن، وعدده سێ ژڤانێن بێ نڤێژیێنه، ئه‌و ژن تێ نه‌بن يێن بچويك ويێن ژ عوزران كه‌فتين ويێن ب حه‌مله، وبۆ وان چێ نابت ئه‌و ژى ژ وان خانییان ده‌ركه‌ڤن، هنگى تێ نه‌بت ئه‌گه‌ر ئه‌و كرێتییه‌كا ئاشكه‌را بكه‌ن، وئه‌و ئه‌حكام يێن خودێنه وى ئه‌و بۆ به‌نییێن خۆ داناينه، وهه‌چییێ پێ ل توخويبێن خودێ بدانت ئه‌و وى زۆردارى ل نه‌فسا خۆ كر، وبه‌رێ وێ دا هـيـلاكێ. تــو -ئه‌ى ئه‌وێ ته ژن به‌رداى- نزانى: به‌لكى خودێ پشتى وێ به‌ردانێ تشته‌كى بكه‌ت ل سه‌ر هزرا ته نه‌بت ڤێجا تو ژنكا خۆ بزڤڕينییه ڤه.